2018-10-22 17:34:00

شه‌فه‌ق نيوز/ نوێنه‌ر مه‌رجه‌عيه‌ى باڵاى ئايينى داوا له‌ پياوه‌يل ئايينى و هووزه‌يل عراقى له‌ پاريزگايه‌يل باكوور و خوه‌رئاواى عراق كرد رۆڵ خوه‌يان نيشان بيه‌ن ئه‌را فشارخستن له‌بان بنياتنانه‌وه‌ى شاره‌يل زه‌ره‌دمه‌ن و رێ وه‌ هاتنه‌وه‌ى داعش نه‌يه‌ن.

 

عه‌بدولمهدى كه‌ربه‌لائى له‌وه‌خت پيشوازيكردنى له‌ شانديگ له‌ پياوه‌يل ئايينى و سه‌رۆك هووزه‌يل له‌ پاريزگايه‌يل كه‌ركوك و موسڵ و سه‌ڵاحه‌دين و ئه‌نبار وت: داعش له‌ڕوێ فكريه‌و له‌ناوبريا، وه‌لێ خواسته‌ جموجويل بكريه‌ێد وه‌ره‌و روێ فكرێ و عه‌قائدێ و ئى ئه‌ركيشه‌ له‌ بنه‌ڕه‌ته‌و ئه‌كه‌فێده‌ بان شان پياوه‌يل ئايينى.

 

كه‌ربه‌لائى وت: بايه‌سه‌ له‌بان پياوه‌يل ئايينى له‌ خوه‌يانه‌و ده‌س وه‌پى بكه‌ن و ساڵحان بوون له‌گشت په‌يڕه‌وه‌يل ژيان و داوا ئه‌را خاسسازى و وه‌رده‌وامى وه‌رگه‌گرتن وه‌رپرسيارێتى خاسسازى بكه‌ن و ژيان هاوبه‌شى بڵاو بكه‌ن و دوير بگرن له‌ تون و تيژى و داواى ئه‌وه‌يش كرد پياوه‌يل ئايينى وه‌هويچ شيوه‌يگ رێ وه‌ هاتنه‌وه‌ى داعش نه‌يه‌ن.

YesIraq