2020-02-27 18:33:07

شه‌فه‌ق نيوز/ عزه‌ت شابه‌نده‌ر سياسه‌تمه‌دار عراقى، داواكارييگ ئاراسته‌ى هادى عامرى سه‌رۆك ئئتلاف فه‌تح و فالح فه‌ياز سه‌رۆك ده‌سته‌ى حه‌شد شه‌عبى كرد وه‌رجه‌ ديدار چه‌وه‌ڕيكرياگى وه‌ل مه‌سعود بارزانى سه‌رۆك پارت ديموكرات كوردستان.

 

شابه‌نده‌ر له‌ توێته‌ر وت: داوا له‌ هه‌ردوگ برا عامرى و فه‌ياز ئه‌كه‌يم له‌ ديدار چه‌وه‌ڕيكرياگيان وه‌ل سه‌رۆك بارزانى مكوڕ بوون له‌بان لاورد گشت گرفته‌يل له‌وه‌رده‌م پيكهاوردن حكومه‌ت وه‌ختى سه‌روه‌خوه‌ى و پاك و دوير له‌ هه‌ر دسوه‌ردانيگ ده‌ره‌كى يا ناوخوه‌يى و مقه‌يه‌تيكردن عراق و يه‌كگرتگى كۆمه‌ڵگاو نيشتمانيه‌ت له‌تى وه‌دێ بكريه‌ێد.

 

جى باسه‌، محه‌مه‌د ته‌وفيق عه‌لاوى سه‌رۆك وه‌زيره‌يل راسپارياێ پشتگيرى هيزه‌يل ديارێ شيعه‌ وه‌ده‌سهاوردگه‌و له‌وانه‌يش ره‌وت موقته‌دا سه‌در و هاوپه‌يمانى فه‌تح وه‌ سه‌رۆكايه‌تى هادى عامرى.

}