2019-08-21 19:38:21

شه‌فه‌ق نيوز/ مسال ئالوسى سياسه‌تمه‌دار ديار عراقى، ئاشكراى ئه‌وه‌ كرد سه‌ركرده‌ى ميليشيايه‌يل چه‌كدار له‌ عراق رێ وشوون تون ئه‌منى ئه‌گرنه‌ وه‌ر و مه‌ترسى ئه‌وه‌ ديرن له‌لايه‌ن ته‌ياره‌يل بى ته‌ياره‌وانه‌و بگريه‌نه‌ ئامانج.

 

ئالوسى ئه‌را شه‌فه‌ق نيوز وت: دوياى ئه‌نجامداين په‌لاماره‌يليگ سه‌ركه‌فتگ له‌لايه‌ن ته‌ياره‌يل بى ته‌ياره‌وانه‌و دژ ئامانجه‌يل ئيران له‌ عراق ك پيكهاتگه‌ له‌ كۆگايه‌يل چه‌ك و ته‌قه‌مه‌نى سه‌ر وه‌ ميليشيايه‌يل چه‌كدار ك له‌ له‌لايه‌ن پاسه‌وان شۆڕش ئيرانييه‌و سه‌رپه‌رشى ئه‌كريه‌ێد وه‌ سه‌رۆكايه‌تيى قاسم سلێمانى، سه‌ركرده‌ى ئه‌و ميليشايه‌يله‌ له‌ عراق كه‌فتنه‌سه‌ حاڵه‌تيگ دڵه‌ڕاوه‌كى و ترس له‌وه‌ ديرن بگريه‌نه‌ ئامانج و بكوشيه‌ن له‌ڕێ ئه‌و ته‌ياره‌يل بى ته‌ياوه‌رانه‌و هه‌ر وه‌و خاتريشه‌ خيزانه‌يليان ده‌ركردنه‌ ئه‌را ده‌يشت عراق.

 

جى باسه‌، يه‌يش له‌وه‌ختيگه‌ ئه‌بو مه‌هدى موهه‌ندس جيگر سه‌رۆك ده‌سه‌ى حه‌شد شه‌عبى له‌ عراق وه‌رپرسيارێتى وه‌ئامانجگرن باره‌گايه‌يلى ك له‌ى دياخره‌ له‌ناو چوار له‌ليان ته‌قينه‌وه‌ روێدا خسته‌ وه‌رپرسيارێتى ئه‌مريكا.

}