2019-11-30 16:23:02

شه‌فه‌ق نيوز/ حكومه‌ت ناوچه‌يى له‌ پاريزگاى نه‌جه‌ف ئاشكراى پشوو ده‌وام فه‌رمى كرد ئه‌را سوو يه‌كشه‌ممه‌، له‌ هه‌مان وه‌خت له‌ هه‌ردوگ پاريزگاى بابل و ديوانيه‌يش ئاشكراى پشوو كريا ئه‌را سوو يه‌كشه‌ممه‌.

 

لوئه‌ى ياسرى پاريزگار نه‌جه‌ف له‌ به‌ياننامه‌يگ وت: سوو 1/ 12/ 2019 پشوو فه‌رميه‌ له‌ گشت پاريزگاگه‌، ته‌نيا ده‌زگايه‌يل ئه‌منى و خزمه‌تگوزارى و ته‌ندروسى له‌لى بترازيه‌ێ، ئه‌ويش له‌وه‌ر ماته‌مينى ئه‌را گيان قوربانيه‌يل ئى دوياخر خوه‌ينيشانداينه‌يله‌ له‌ شاره‌گه‌.

 

له‌لاى خوه‌ييشه‌و, كۆمسيۆن مافه‌يل ئاده‌ميزاد، وشدارى دا له‌ شيويان بارودوخه‌گه‌ له‌ پاريزگاى نه‌جه‌ف و داخدارى خوه‌ى ده‌رخست ئه‌را كه‌فتنه‌وه‌ى قوربانيه‌يل له‌ ڕز خوه‌ينيشانده‌ره‌يل و هيزه‌يل ئه‌منى.

 

جى باسه‌، كۆمسيۆنه‌گه‌ داوايش له‌ هيزه‌يل ئه‌منى و ده‌سڵاته‌يل ناوچه‌يى و گشت لايه‌نه‌يل كرد له‌ نوێنه‌ر خوه‌ينيشانداينه‌يل و سه‌رۆك هووز و پياوه‌يل ئايينى ده‌خاڵه‌ت گورج بكه‌ن له‌وه‌ر ئارامه‌وكردن قه‌يرانه‌گه‌و ئاساييكردنه‌وه‌ى بارودوخه‌گه‌و مقه‌يه‌تيكردن له‌ ژيان خوه‌ينيشانده‌ره‌يل و ماڵ و موڵك گشتى و تايبه‌ت.

FaceIraq
}