2019-02-05 17:56:00

شه‌فه‌ق نيوز/ سه‌رچه‌وه‌يگ ئاگادار باس له‌وه‌ كرد سوو چوارشه‌ممه‌ سه‌رۆك وه‌زيره‌يل ده‌وڵه‌تيگ ئۆرپى سه‌ردان عراق ئه‌كا.

 

سه‌رچه‌وه‌گه‌ ئه‌را شه‌فه‌ق نيوز وت: سوو چوارشه‌ممه‌ جوزيبى كونتى سه‌رۆك وه‌زيره‌يل ئيتاڵيا سه‌ردان عراق ئه‌كا له‌وه‌ر تاووتوێكردن چه‌ن دوسيه‌يگ وه‌ل وه‌پرسه‌يل وڵاته‌گه‌و له‌وانه‌يش به‌رهه‌م ساڵح سه‌رۆك كۆمار.

 

سه‌رچه‌وه‌گه‌ هه‌ميش وت: سه‌رۆك وه‌زيره‌يل ئيتاڵيا دوياى عراق سه‌ردان لوبنانيش ئه‌كا ئه‌را ديدار وه‌ل ميشال عۆن سه‌رۆك كۆمار لوبنانى و نه‌بى به‌ڕى سه‌رۆك ئه‌نجومه‌ن نوێنه‌ره‌يل و سعه‌د حه‌ريرى سه‌رۆك ئه‌نجومه‌ن وه‌زيره‌يل.

YesIraq