2019-01-02 17:50:00

شه‌فه‌ق نيوز/ سه‌رۆكايه‌تى كۆمار عراقى ئاشكراى ئه‌وه‌ كرد ك سه‌ردانه‌گه‌ى به‌رهه‌م ساڵح ئه‌را ئه‌نقه‌ره‌ له‌ئه‌نجام داوه‌تنامه‌ێ ره‌جه‌ب ته‌يب ئه‌ردۆغان سه‌رۆك توركياس.

 

له‌ى باوه‌ته‌و، لوقمان فه‌يلى قسه‌كه‌ر وه‌ناو سه‌رۆك كۆمار له‌ باسيگ ئه‌را شه‌فه‌ق نيوز وت: به‌رهه‌م ساڵح له‌ى سه‌ردانه‌ گفتگوو فه‌رمى وه‌ل هاوتا توركيه‌گه‌ێ و گه‌ورا وه‌رپرسه‌يل تورك ئه‌نجام ئه‌ياد ئه‌را بته‌وكردن په‌يوه‌نديه‌يل دولايه‌نه‌ له‌ بواره‌يل جياجيا و باس له‌وه‌يش كرد هه‌ردوگ سه‌رۆك باسيش له‌ دوسيه‌يل گرنگيدار هاوبه‌ش ئه‌كه‌ن ك تايبه‌ته‌ وه‌ هه‌ردوگ مه‌يدان هه‌رێمى و ناوده‌وڵه‌تى و يه‌كخستن ديد وڕا له‌و باره‌وه‌.

 

فه‌يلى هه‌ميش وت: سه‌ردانه‌گه‌ى سه‌رۆك كۆمار ته‌واوكردن سه‌ردانه‌يل تر ئه‌دێ ك زويتر ئه‌نجامى دا ئه‌را شماره‌يگ له‌ ده‌وڵه‌ته‌يل عه‌ره‌بى و هه‌رێمى.

YesIraq