سه‌رچه‌وه‌يگ له‌باره‌ى تويشبوين پاريزگار به‌سره‌ و جيگره‌گه‌ وه‌ كۆرۆنا ئاشكراكردنيگ دا

Category: هــــه‌واڵ عــیراق

Date: 2020-06-02T21:00:50+0000

شه‌فه‌ق نيوز/ سه‌رچه‌وه‌يگ حكومى نزيك له‌ حكومه‌ت ناوچه‌يى له‌ پاريزگاى به‌سره‌، ئاشكراى راسيه‌يل تويشبوين ئه‌سعه‌د عيدانى پاريزگار به‌سره‌ و جيگره‌ يه‌كه‌مه‌گه‌ى كرد وه‌ نه‌خوه‌شى ڤايرۆس كۆرۆنا و وت: ئه‌نجامه‌يل وشكاننيان سه‌ڵامه‌ت ده‌رچيه‌.

ئه‌و سه‌رچه‌وه‌ ئه‌را ئاژانس شه‌فه‌ق نيوز وت: ئه‌و وشكاننه‌يل پزيشكييه‌ ك ئه‌را ئه‌سعه‌د عيدانى پاريزگار به‌سره‌و محه‌مه‌د تاهر ته‌ميمى جيگر يه‌كه‌مى ئه‌نجام دريانه‌ ئه‌وه‌ ده‌رخستگه‌ ك تويش په‌تاگه‌ نه‌وينه‌.

جى باسه‌، ئاماژه‌ وه‌يه‌يش كريه‌ێد بڕيگ له‌ هووكاره‌يل ره‌سانن باس له‌وه‌ كردنه‌ ك بريكار وه‌زير سه‌رچاوه‌يل ئاوى و دووان له‌ وه‌ڕيه‌وبه‌ره‌يل گشتييش تويش ڤايرۆس كۆرۆنا هاتنه‌، ئه‌ويش دوياى دانيشتنيان وه‌ل پاريزگار به‌سره‌ له‌وه‌ختيگ سه‌ردان پاريزگاگه‌ كردنه‌.