2019-12-29 08:30:09

شه‌فه‌ق نيوز/ سه‌رچه‌وه‌يگ ئاگادار، باسه‌يل تازه‌يگ ئاشكرا كرد له‌باره‌ى بۆردومانكردن بنگه‌ى سه‌ربازى " كه‌يوان " له‌ پاريوگاى كه‌ركوك.

 

سه‌رچه‌وه‌يگ ئه‌منى نزيك له‌ سه‌ركردايه‌تى فه‌رمانده‌يى هاوبه‌ش عراقى، وت: ئه‌و بۆردمان مووشه‌كيه‌ ئيجاره‌ فريه‌ وه‌دقه‌ت بويه‌ دوياى 20 رووژ له‌ گرتنه‌ ئامانج سه‌ربازگه‌يگ دژه‌ تيرۆر له‌ ته‌ياره‌خانه‌ى به‌غدا ك هيزه‌يل ئوسترالى و ئسپانى و فره‌نسى و ئه‌مريكى له‌تى وجوود ديرن وشماره‌يگ له‌ سه‌ربازه‌يل تويش هاتنه‌ له‌تى.

 

سه‌رچه‌وه‌گه‌ وت: كه‌سانيگ باوه‌ڕيان ئه‌وه‌سه‌ چه‌كداره‌يل داعش ئه‌و كاره‌ ئه‌نجام دانه‌، ئى مه‌سه‌له‌يشه‌ دويره‌و خست، له‌وه‌ر ئه‌وه‌گ داعش ئيچنه‌ مووشه‌ك و تواناييه‌ نه‌يرێد، كه‌سه‌يليگيش هه‌ن باوه‌ڕيان ئه‌وه‌سه‌ فه‌سيله‌يل چه‌كدار عراقى ئى كاره‌ ئه‌نجام دانه‌.

 

سه‌رچه‌وه‌گه‌ ئاماژه‌ وه‌يه‌يش كرد بڕيگ شاره‌زاى سه‌ربازى هان له‌و باوه‌ڕه‌ فه‌سيليگ سه‌ر وه‌ ئيران ئه‌و په‌لاماره‌ ئه‌نجام داگه‌ له‌وه‌ر ئه‌و توانايه‌يل سه‌ربازيه‌ ك ئيران وه‌پى داسه‌ێ، يه‌يش له‌وه‌ختيگ هه‌مان سه‌رچه‌وه‌ باس له‌وه‌يش كرد وڵاته‌يل يه‌كگرتگ يا ئسرائيل وه‌ نزيكترين وه‌خت جواو بڕيگ له‌ فه‌سيله‌يل چه‌كدار سه‌ر وه‌ ئيران ئه‌يه‌نه‌و.

}