2019-02-28 07:22:00

شه‌فه‌ق نيوز/ سه‌رچه‌وه‌گ عراقى ئاشكراى وجوود ريكخستنيگ كرد ئه‌را دادگاييكردن 382 كه‌س له‌ تيرۆريسته‌يل ريگخرياگ داعش و له‌ليانيش له‌ ره‌گه‌زه‌يل جياجياێ عه‌ره‌ب و بيگانه‌ ك وڵاته‌يل يه‌كگرتگ راده‌سيان وه‌ به‌غدا كرد دويا گرتنيان له‌ سورياو يه‌يش ده‌رخست ك هۆڵيگ تايبه‌ت ئه‌را دادگاييكردنيان ئاماده‌ كرياگه‌و له‌ مانگ ئادار ئاينده‌ ده‌س وه‌ دادگاييكردنيان ئه‌كريه‌ێد.

 

له‌ى باوه‌ته‌و، رووژنامه‌ى عه‌كاز سعودێ له‌ شماره‌ێ ئمڕووێ له‌ زووان سه‌رچه‌وه‌يگ ك خوه‌ى وه‌ متماندار تاريف كرد وت: دادگاييكردن ئه‌و داعشيه‌يله‌ له‌ بنگه‌يگ سه‌ربازێ له‌ نزيك به‌غداێ پايته‌خت ئه‌نجام ئه‌گرێد.

 

سه‌رچه‌وه‌گه‌ هه‌ميش وت: دادگاييكردن ئه‌و داعشيه‌يله‌ ك خاوه‌ن ره‌گه‌زنامه‌ێ جياجيان له‌ عراق ياساييه‌ مادام تاوانه‌يليان له‌ناو خاك عراق ئه‌نجام دانه‌.

YesIraq