2018-10-17 06:37:00

شه‌فه‌ق نيوز/ عادل عه‌بدولمهدى سه‌رۆك وه‌زيره‌يل راسپارياێ، هه‌وڵ قه‌ناعه‌ت هاوردن وه‌ كوتله‌يل سياسى ئه‌ياد ئه‌را ئاسانه‌وكردن ئه‌ركه‌يلێ و نه‌خستن گرفت زياتر له‌ وه‌رده‌مى، يه‌يش له‌وه‌ختيگ جه‌خت له‌وه‌ ئه‌كريه‌ێد رووژ شه‌ممه‌ى ئاينده‌ ئعلان دامه‌زرانن وه‌زيره‌يل بكريه‌ێد.

 

له‌ى باوه‌ته‌و، سه‌رچه‌وه‌يگ له‌ لێدوانيگ ئه‌را شه‌رقولئه‌وسه‌ت ك نه‌تواس ناوى ئاشكرا بدێ، وت: كوتله‌يل سياسى ئه‌ڕه‌سنه‌ ريككه‌فتنيگ له‌باره‌ى ليست كووتايى كانيده‌يل تا پيشكه‌شى بكريه‌ێد سه‌رۆك وه‌زيره‌يل.

 

سه‌رچه‌وه‌گه‌ باس له‌وه‌يش كرد ك ئه‌گه‌ره‌يل ئه‌وه‌يش هه‌س بڕيگ له‌ پله‌يل وه‌زارى وه‌ به‌تاڵێ بمينێد و چه‌وه‌ڕێ يه‌كلاكردنه‌وه‌ بكاو يه‌يش ده‌رخست ك گفتگوو وه‌رده‌وامه‌، وه‌لێ ئيجاره‌ گفتگووه‌يل سه‌خته‌ له‌وه‌ر هووكاره‌يل جياجياو له‌وانه‌يش: مه‌سه‌له‌ى ده‌روازه‌ى ئه‌لكترۆنى ك عه‌بدولمهدى ئعلانى كرد ئه‌را هه‌ڵوژارنن وه‌زيره‌يل له‌ڕێ ئه‌نته‌رنێت.

YesIraq