2019-02-13 08:11:00

شه‌فه‌ق نيوز/ رووژنامه‌ى عه‌كاز سعودى له‌ زووان سه‌رچه‌وه‌يل عراقى ئه‌وه‌ ده‌رخست ك عادل عه‌بدولمه‌هدى سه‌رۆك ئه‌نجومه‌ن وه‌زيره‌يل داواى ده‌سميه‌ت واشنتۆن كردگه‌ ئه‌را مقه‌يه‌تيكردن له‌ ئارامى و سه‌قامگيرى هامارى نه‌ينه‌واو ريكخستن په‌يوه‌نديه‌يل له‌ناونى به‌غداو ته‌هران له‌باره‌ى سزايه‌يل ئه‌مريكى له‌بارن ئيران.

 

ئه‌و سه‌رچه‌وه‌يله‌ باس له‌وه‌ كردن ك عه‌بدولمه‌هدى داواى ئاماده‌بوين باتريك شاهان وه‌زير وه‌رگرى ئه‌مريكى وه‌ وه‌كاله‌ت كردگه‌ ئه‌را به‌غدا دوياى زانياريه‌يليگ متمانه‌دار ك كه‌فته‌سه‌ ده‌س ده‌زگايه‌يل هه‌واڵگيرى عراقى وه‌ل په‌يجوورى وه‌ل سه‌ركرده‌يل داعش وه‌ ئه‌وه‌گ ريكخرياگ تيرۆريستى پلانيگ ته‌واو داناگه‌ له‌وه‌ر هاتنه‌وه‌ى ئه‌را نه‌ينه‌وا.

 

ئه‌و سه‌رچه‌وه‌يله‌ باس له‌وه‌ كردن ك دوسيه‌ى سزايه‌يل وه‌ل ئيران وه‌تايبه‌ت سزايه‌يل ئه‌مريكا ريككه‌فتن له‌بانى ئه‌كريه‌ێد له‌ چوارچێوه‌ى رێ وشوونه‌يل دياريكرياێ ك ئداره‌ى ئه‌مريكا قه‌وڵ چشته‌يل جيايگ وه‌ به‌غدا داگه‌.

YesIraq