2019-02-06 07:58:00

شه‌فه‌ق نيوز/ سه‌رچه‌وه‌يليگ ئاگادار ئاشكراى دانيشتنيگ كردن ك له‌ى دوياخره‌ له‌ به‌ريروت موقته‌دا سه‌در سه‌ركرده‌ى هاوپه‌يمان سائرون عراقى و حه‌سه‌ن نه‌سروڵڵا سه‌ركرده‌ى حزبوڵڵا و قاسم سلێمانى سه‌ركرده‌ى فه‌يله‌ق قودس ئيرانى له‌تى ئاماده‌ بوينه‌.

 

رووژنامه‌ى شه‌رقولئه‌وسه‌ت له‌نده‌نى له‌ زووان ئه‌و سه‌رچه‌وه‌يله‌و وت: سلێمانى له‌و دانيشتنه‌ ناوجيوانى له‌ناونى سه‌در و نه‌ياره‌يلى كردگه‌ له‌وانه‌يش هادى عامرى سه‌ركرده‌ى هاوپه‌يمانى فه‌تح له‌ ناكووكييگ له‌باره‌ى فالح فه‌ياز ئه‌را وه‌رگرتن پۆست وه‌زاره‌ت ناوخوه‌يى له‌ حكومه‌ت عادل عه‌بدولمه‌هدى ك سه‌در ناڕازيه‌ له‌لێ و عامرييش پشتگيرى له‌لێ ئه‌كا.

 

جى باسه‌، دويه‌كه‌يش هه‌ردوگ هاوپه‌يمانى سائرون و فه‌تح دانيشتنيگ له‌ به‌غدا ساز كردن ئه‌را يه‌كه‌وخستن هه‌ڵويسته‌يل ناونيان سه‌باره‌ت وه‌ لێدوانه‌يل ئى دوياخر دوناڵد تره‌مپ سه‌رۆك ئه‌مريكا له‌باره‌ى مه‌ندنه‌وه‌ى هيزه‌يل ئه‌مريكى ئه‌را ماوه‌ێ فريه‌يگ له‌ بنگه‌ى عه‌ينولئه‌سه‌د له‌ خوه‌رئاواى ئيران له‌وه‌ر چه‌ودێريكردن ئيران.

YesIraq