2015-05-24 13:04:16
وه‌گوره‌ێ به‌یاننامه‌ێگ سه‌روكایه‌تی كومار عراق ك كوپیێگێ ئه‌را (شه‌فه‌ق نیوز) كلكریاگه‌ ، قسه‌گان مه‌عسوم له‌ وه‌خت پێشوازی كردنى له‌ قونسول ئمارات له‌ عراق ئه‌حمه‌د بن نه‌سر الزوعابی كریا.

به‌یاننامه‌گه‌ وه‌یه‌یش ئشاره‌ كردگه‌ ك له‌ێ دیداره‌ له‌ بان گرنگی بته‌و كردن په‌یوه‌ندیه‌یل جیاواز ناونی عراق و وڵات ئمارات و ڕێ و شوون بته‌و كردن هاوكاری هاوبه‌ش له‌ گشت بواره‌یل ك بتوێه‌نى كێشه‌یل عراق و وڵاته‌یل ناوچه‌گه‌ چاره‌سه‌ر بكا ته‌ئكید كردگه‌.

به‌یاننامه‌گه‌ زیاتر ئه‌ێوژی ، سه‌روك كومار ته‌ئكید كردگه‌ ك عراق گرنگی ئه‌یاده‌ په‌یوه‌ندیه‌گانی وه‌ل ئمارات و له‌ بان قویلی په‌یوه‌ندی میژوویی ناونی هه‌ردو ملله‌ت برا جه‌خت كردگه‌.

به‌یاننامه‌گه‌ وه‌یه‌یش ئشاره‌ كردگه‌ ك مه‌عسوم له‌ ئه‌زمون یا ته‌جروبه‌ێ ئمارات له‌ پێشكه‌ش كردن نمونه‌ێ سه‌ركه‌فتگ ده‌وڵه‌ت ئتحادی ته‌قدیر كردگه‌.

له‌لای خوه‌یه‌وه‌ قونسول گشتی وڵات ئمارات ، ڕێز وسڵام سه‌روك وڵاته‌گه‌ێ شیخ خه‌لیفه‌ بن زاید ئال نه‌هیان و شێخ محه‌مه‌د بن راشد ئال مه‌كتوم جێگرى ڕه‌سانگه‌سه‌ سه‌روك مه‌عسوم.

قونسول ئمارات وه‌یه‌یش ئشاره‌ كردگه‌ ك وڵاته‌گه‌ێ وه‌ ڕێز و ته‌قدیره‌وه‌ ئه‌نوڕێگه‌ په‌یوه‌ندیه‌گانێ وه‌ل عراق و له‌ بان پشتگیری وڵاته‌گه‌ێ له‌ ئاسایش و سه‌قامگیری عراق جه‌خت كردگه‌ .

 

YesIraq
}