2018-12-15 10:22:00

شه‌فه‌ق نيوز/ جاسم به‌ياتى سه‌ركرده‌ له‌ حزب ده‌عوه‌ى ئسلامى، ئاشكراى هووكار گرفت ئه‌را ته‌واوكردن كابينه‌ وه‌زاريه‌گه‌ێ حكومه‌ت عادول عه‌بدولمه‌هدى‌ له‌لايه‌ن هاوپه‌يمانى خاسسازيه‌و ده‌رخست.

 

به‌ياتى ئه‌را شه‌فه‌ق نيوز وت: هاوپه‌يمانى خاسسازى و ئاوه‌دانكردنه‌وه‌ گرفت ئه‌خاده‌ ته‌واوكردن كابينه‌ وه‌زاريه‌گه‌، له‌وه‌ر ئه‌وه‌گ وه‌زاره‌ته‌يل گرنگ و سه‌ره‌كى له‌ دانيشتن وه‌پيداين متمانه‌ وه‌ حكومه‌ت جيوه‌جى كريان له‌ چوارچێوه‌ى ئه‌و 14 وه‌زيره‌ ك ده‌نگ له‌بانيان دريا.

 

به‌ياتى هه‌ميش وت: داناين ئه‌و 14 وه‌زيره‌ له‌ دانيشتن وه‌پيداين متمانه‌ وه‌ ره‌زامه‌نى هاوپه‌يمانى خاسسازى بويه‌ وه‌ ئه‌وه‌گ وه‌زيره‌يلى له‌ناو ئه‌و 14 وه‌زيره‌ بوينه‌، وه‌لێ باقى وه‌زيره‌يل تر له‌ هاوپه‌يمانى خاسسازى له‌تيان نيه‌و هه‌ر وه‌و خاتريشه‌ گرفت ئه‌خاده‌ ته‌واوكردن كابينه‌ وه‌زاريه‌گه‌.

YesIraq