2019-05-05 09:25:28

شه‌فه‌ق نيوز/ ئه‌نداميگ وه‌رين باس له‌وه‌ كرد ك چوار ئامانج له‌ پشت سه‌ردانه‌گه‌ى ئى دوياخر محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل بويه‌ ئه‌را پاريزگاى سه‌ڵاحه‌دين.

 

له‌و باوه‌ته‌و، شه‌علان ئه‌لكه‌ريم ئه‌را رووژنامه‌ى شه‌رقولئه‌وسه‌ت وت: يه‌كه‌م ئامانى سه‌ردانه‌گه‌ى له‌وه‌ر ئه‌وه‌گ سه‌رۆك په‌رله‌مان عراقيه‌و ئه‌ركى ئه‌وه‌سه‌ ئاگادار بارودخ بدێ له‌ پاريزگايه‌يل و له‌وانه‌يش پاريزگايه‌يل خوه‌رئاوا ك فريه‌ ناڵانن وه‌ده‌س مه‌ينه‌تى و سه‌ختيه‌يل فريه‌يگه‌و وه‌ دريژايى ساڵه‌يليگ و دويه‌ميش له‌ چوارچێوه‌ى هه‌وڵه‌يلى له‌وه‌ر ئاماده‌كردن زه‌مينه‌يگ گونجياێ ئه‌را ئاوه‌دانكردنه‌وه‌و بنياتناين له‌تيان ك يه‌يش وه‌ گامه‌يليگ خاس بايه‌سه‌ ده‌س وه‌پى بكا تا گله‌و نه‌خوه‌يم ئه‌را چوارگووشه‌ى يه‌كه‌م.

 

كه‌ريم وت: چوار خاڵ سه‌ره‌كى هه‌ن بايه‌سه‌ ئاماژه‌ وه‌پيان بكريه‌ێج له‌ سه‌ردانه‌گه‌ى حه‌لبوسى ئه‌را سه‌ڵاحه‌دين ك ئه‌ويش مه‌سه‌له‌ى ئاواره‌يل و گرنگى هاوردنه‌وه‌يان ئه‌را شوون و ماواى خوه‌يا و دوياى ئه‌وه‌يش مه‌سه‌له‌ى گيرياگه‌يل و بيسه‌روشوونه‌يل له‌ هه‌ردوگ پاريزگاى سه‌ڵاحه‌دين و ئه‌نبار ك شماره‌يان ره‌سيده‌ نزيكه‌ى 3000 كه‌س و تائيسه‌يش چاره‌نويسيان ديار نيه‌و سێيه‌ميش مه‌سه‌له‌ى به‌رژه‌وه‌نديه‌يل سياسى و كۆمه‌ڵگايه‌ ك بايه‌سه‌ ستوينه‌يلى بچه‌سپيه‌ێد له‌ناونى گشت تايفه‌يل جياجيا له‌ پاريزگاگه‌ تا لاپه‌ڕه‌يل كويه‌ن لاوريه‌ێد و چواره‌ميش شار سامه‌ڕا وه‌ ئه‌وه‌گ پايته‌خت رووشنهويرى پاريزگاگه‌س ك بايه‌سه‌ ئه‌من و ئارامى و سه‌قامگيرى له‌تى به‌رقه‌رار بكريه‌ێد

YesIraq