2019-12-27 09:20:03

شه‌فه‌ق نيوز/ ساڵح محه‌مه‌د عراقى زووانحاڵ و كه‌سيگ نزيك له‌ موقته‌دا سه‌در سه‌ركرده‌ى ره‌وت سه‌درى، ئاشكراى ره‌ته‌وكردن ئه‌و سێ ناوه‌ كرد ك زويتر خريانه‌ روێ وه‌ ئه‌وه‌گ جى ره‌زامه‌نى مه‌يدانه‌يل خوه‌ينيشانداينن.

 

ساڵح محه‌مه‌د عراقى نزيك له‌ سه‌در له‌ ماڵپه‌ڕ كۆمه‌ڵايه‌تى فه‌يسبوك وت: ئه‌و سێ كه‌سه‌ ك كانديد كريان، پيكهاتنه‌ له‌ مسته‌فا كازمى وه‌ڕيه‌وبه‌ر ده‌زگاى هه‌واڵگرى، ره‌حيم عگێلى سه‌رۆك ده‌سه‌ى ده‌سپاكى، فايه‌ق شێخ عه‌لى ئه‌ندام ئيسه‌ى په‌رله‌مان, وه‌لى ده‌مه‌و شه‌وه‌كى ئمڕوو هه‌ڵويستيگ تر بڵاوكرد و له‌تى وت: له‌وه‌ر ئه‌وه‌گ جواو له‌ خوه‌ينيشانده‌ره‌يله‌و وه‌پيمان نه‌ڕه‌سيه‌ له‌بان دويايين بڵاوكرياگ، ئيمه‌يش جوور ره‌ته‌وكردنيگ له‌ليان زانيمنه‌ى له‌باره‌ى كانديده‌يل.

 

جى باسه‌، ساڵح محه‌مه‌د عراقى هه‌ميش وت: بايه‌سه‌ له‌بان برايه‌يل له‌ سائيرون هويچ كانديديگ له‌ ئيسه‌و ئاينده‌يش له‌خوه‌يان نه‌گرن و رێ(ئۆپۆزسيۆن)بگرنه‌ وه‌ر له‌ناو قوبه‌ى په‌رله‌مان.

}