2019-04-04 07:30:00

شه‌فه‌ق نيوز/ شانديگ باڵاى سعودى ك شماره‌يگ له‌ وه‌زيره‌يل له‌خوه‌ى گرتگه‌ وه‌ سه‌رۆكايه‌تى ماجد قه‌سبى وه‌زير بازرگانى و وه‌به‌رهاوردن ئه‌را به‌شدارى له‌ خول دويه‌م ئه‌نجومه‌ن هه‌ماهه‌نگه‌ سعوديه‌و عراق له‌ به‌غداى پايته‌خت و كاراكردنه‌وه‌ى رۆڵ سعوديه‌ له‌ قۆناغ وه‌به‌رهاوردن و ئاوه‌دانكردنه‌وه‌ له‌ عراق و هاريكارى له‌گشت بواره‌يل سه‌ردان عراق كرد.

 

شاند سعوديه‌ ك پيكهاتگه‌ له‌ 100 كه‌سايه‌تى و له‌ناونيان 9 وه‌زير ئه‌را تاووتويكردن په‌يوه‌ديه‌يل و هاريكارى ئابوورى, له‌ يه‌كه‌م رووژ سه‌ردانه‌گه‌ى، بڕ يه‌ك مليار دۆلار پيشكه‌ش وه‌ عراق كرد و له‌ هه‌مان وه‌خت ئاشكراى وازكردن 3 باڵيۆزخانه‌ى تازه‌يش كرد له‌ عراق.

 

ئى شاند سعوديه‌ چه‌وێ ئه‌كه‌فێده‌ هه‌ردوگ سه‌رۆك حكومه‌ت و ئه‌نجومه‌ن نوێنه‌ره‌يل و چه‌ويانيش ئه‌كه‌فێده‌ هاوتايه‌يل عراقييان و وه‌رپرسه‌يل له‌ وڵاته‌گه‌و دانيشتن چڕ وپڕ ئه‌نجام ئه‌يه‌ن و باس له‌ دوسيه‌ى ئاوه‌دانكردنه‌وه‌ى ناوچه‌يل رزگاركرياێ و هانداين ئاڵشت وئوڵشت بازرگانى و هاريكارى رووشنهويرى و وه‌رزشى ئه‌كه‌ن.

YesIraq