2019-12-22 07:03:21

شه‌فه‌ق نيوز/ حاكم زاملى سه‌ركرده‌ له‌ ره‌وت سه‌درى، باس له‌وه‌ كرد سه‌رۆك كۆمار دو دڵه‌ له‌ مه‌سه‌له‌ى راسپاردن كه‌سايه‌تييگ ئه‌را دامه‌زرانن حكومه‌ت تازه‌.

 

له‌ى باوه‌ته‌و، ئه‌لعه‌ره‌بى ئه‌لجديد له‌ زووان زاملى وت: هيمان سه‌رۆك كۆمار دو دڵه‌ له‌ مه‌سه‌له‌ى راسپاردن كه‌سايه‌تييگ ئه‌را دامه‌زرانن حكومه‌ت تازه‌و فراكسيۆنه‌يل سياسييش وه‌رده‌وام په‌يوه‌سن وه‌ كانديده‌يل حزبى ك له‌لايه‌ن جاده‌ى عراقييه‌و ره‌ته‌و ئه‌كريه‌ێد.

 

زاملى هه‌ميش وت: زوورم ئه‌و كانديده‌يله‌ ك ناويان خرياسه‌ روێ، دوسيه‌ى گه‌نده‌ڵى ديرن و شايه‌ت له‌ سه‌رۆك حكومه‌ته‌يل وه‌رين خراوتر بوون، يه‌يش ماناى ئه‌وه‌سه‌ خستنه‌ڕوێ هه‌ركام له‌وانه‌گ له‌لايه‌ن مه‌ردمه‌و ره‌ته‌و ئه‌كريه‌ێد و خوه‌ينيشانداين زياتره‌و ئه‌دێ، يه‌يش ماناى دو دڵى سه‌رۆك كۆمار ئه‌ياد له‌ى باوه‌ته‌و.

}