2020-03-21 19:54:56

شه‌فه‌ق نيوز/ سه‌رچه‌وه‌يگ له‌ ليژنه‌ى ته‌ندروستى و ژينگه‌ى نوێنه‌رايه‌تى، ئاشكراى ريككه‌فتن شانه‌ى قه‌يران كرد له‌بان دريژه‌وكردن قه‌يه‌غه‌ى هاتوچوو له‌ به‌غداى پايته‌خت و پاريزگايه‌يل تر ئه‌را هه‌فته‌ى تر ئاينده‌ له‌وه‌ر ريگرى له‌ بڵاوبوينه‌وه‌ى ڤايرۆس كۆرۆنا.

 

له‌ى باوه‌ته‌و، سه‌رچه‌وه‌يگ له‌ ليژنه‌گه‌ ك نه‌تواس ناوى ئاشكرا بدێ، ئه‌را شه‌فه‌ق نيوز وت: شانه‌ى قه‌يران دانيشتنيگ وه‌ سه‌رۆكايه‌تى حه‌سه‌ن كه‌عبى جيگر يه‌كه‌م سه‌رۆك ئه‌نجومه‌ن نوێنه‌ره‌يل عراقى و جه‌عفه‌ر سادق عه‌لاوى وه‌ ئاماده‌بوين ئه‌ندامه‌يل ليژنه‌ى ته‌ندروستى و ژينگه‌ ئه‌نجام داگه‌.

 

سه‌رچه‌وه‌گه‌ وت: له‌و دانيشنه‌ باس له‌ دريژه‌وكردن قه‌يه‌غه‌ى هاتوچوو كرياگه‌ وه‌ل جه‌ختكردن له‌ ئاسانكارى جموجويل كادره‌يل ته‌ندروستى و مه‌سه‌له‌ى جيوازكردن ده‌رمان و مادده‌يل خوارده‌مه‌نى له‌ناونى ناوچه‌يل نيشته‌جى و نه‌خوه‌شخانه‌يل.

 

جى باسه‌، سه‌رچه‌وه‌گه‌ هه‌ميش وت: ئاماده‌بويه‌يل له‌و دانيشتنه‌ ريككه‌فتنه‌ له‌بان دريژه‌وكردن مه‌سه‌له‌ى لاوردن قه‌يه‌غه‌ى هاتوچوو له‌ به‌غداى پايته‌خت و باقى پاريزگايه‌يل تر ئه‌را رووژ شه‌ممه‌ له‌ هه‌فته‌ى ئاينده‌و جه‌ختيش له‌ خواست پابه‌ندبوين هاووڵاتيه‌يل وه‌و قه‌يه‌غه‌و مه‌ندنه‌وه‌يان له‌ ماڵه‌يليان كرياگه‌.

}