2018-09-23 07:14:00

شه‌فه‌ق نيوز/ مه‌سه‌له‌ى دوسيه‌ى كانديد ئه‌را سه‌رۆكايه‌تى كۆمار له‌ عراق زياتر سه‌خته‌و بويه‌، ئه‌ويش دواى ئه‌وه‌گ پارت ديموكرات كوردستان ئه‌وه‌ ده‌رخست ك ريككه‌فتن له‌باره‌ى به‌ش يه‌كێتى نيشتمانى كوردستان له‌ پۆسته‌گه‌ ئه‌وسا بويه‌ نه‌ك ئيسه‌.

 

له‌ى باوه‌ته‌و، سه‌رچه‌وه‌يليگ ئاگادار ئه‌را رووژنامه‌ى حه‌يات، ئه‌وه‌ ده‌رخستن ك نورى مالكى سه‌ركردى ئئتلاف ده‌وڵه‌ت ياسا ئاگادار مه‌سعود بارزانى سه‌رۆك پارت ديموكرات كوردستان كردگه‌ ك لايه‌نگرى داواكاريه‌گه‌ێ ئه‌كا له‌باره‌ى پۆست سه‌رۆك كۆمار و واز له‌و ريككه‌فتنه‌يل سياسيه‌ ئه‌يه‌رێد ك پۆسته‌گه‌ زويتر دريا وه‌ يه‌كێتى نيشتمانى كوردستان.

 

جى باسه‌، ئه‌وه‌ سه‌رچه‌وه‌يله‌ باسيش له‌وه‌ كردنه‌ ك ئئتلاف فه‌تح وه‌ سه‌رۆكايه‌تى هادى عامرى ك ئه‌ويش هاوپه‌يمان مالكيه‌، كانديده‌گه‌ى بارزانى ئه‌را ئه‌و پۆسته‌گه‌ په‌سه‌ن كردگه‌ ك هه‌رچه‌نى تائيسه‌ پارت ديموكرات كوردستان هويچ كانديديگ ئه‌را ئى پۆسته‌ ئاشكرا نه‌كردگه‌.

YesIraq