2019-08-28 08:54:00

شه‌فه‌ق نيوز/ روژنامه‌ى ده‌يلى ته‌ليگراف باوه‌تيگ له‌ژير ناونيشان " ئسرائيل وه‌رگه‌ى گه‌مه‌جاڕێ ئيران ناگرێد" بڵاو كرد.

 

رووژنامه‌گه‌ وت: سه‌ربار ئه‌وه‌گ كاره‌يل دوشمنايه‌تى ناونى ئسرائيل و مه‌ردمان سه‌ر وه‌ ئيران گرژيه‌يل فريه‌يگ وه‌پيه‌و دياره‌ له‌ ناوچه‌ى خوه‌رهه‌ڵات ناوين، وه‌لێ دوينيم نه‌بره‌ى گه‌شبينى له‌ لوتكه‌ى وڵاته‌يل جى هه‌فت له‌ فره‌نسا دياره‌ ئه‌را وه‌ديكردن رێگه‌چاره‌ێ دبلۆماسى له‌ ته‌هران.

 

رووژنامه‌گه‌ وت: ئسرائيل بڵاويه‌و كردگه‌ ك په‌لامارداين ئه‌را بان ئامانجه‌يل ئيرانى يا سه‌روه‌خوه‌ێ له‌ عراق و سوريا و لوبنان له‌ رووژه‌يل گوزه‌يشت ئه‌نجام داگه‌، هه‌ر له‌وه‌ر ئه‌وه‌يش ئى گرژه‌وبوينه‌ وه‌ ته‌واوه‌ى دژه‌ وه‌ل پيشنياره‌يليگ ك باس له‌ توانايى ئاماده‌باشى ئيران ئه‌كا ئه‌را دانيشتن جاريگتر له‌بان مێز گفتگوو له‌باره‌ى به‌رنامه‌ ئه‌تۆميه‌گه‌ێ.

 

وه‌گووره‌ى ديد ئسرائيل، وجوود سه‌ربازێ ئيرانى له‌ عراق و سوريا و لوبنان مه‌ترسيه‌ له‌بان هاووڵاتيه‌يلێ و رووژنامه‌گه‌ يه‌يش ده‌رخست ك گرژيه‌يل ئيسه‌ى ناونى ئسرائيل و ئيران ناڕه‌سێده‌ ئه‌و راده‌ ك وجوود داشت له‌ساڵ 2006 له‌ناونى ئسرائيل و حزبوڵڵا و باس له‌وه‌يش كرد په‌لاماره‌يل سه‌ربازێ ئسرائيل له‌ ناوچه‌گه‌ كاره‌گه‌ سه‌خته‌و ئه‌كا ئه‌را ئه‌وه‌گ قه‌ناعه‌ت وه‌ تره‌مپ بكريه‌ێد ك ته‌هران جدديه‌ له‌ ئاڵشتكردن ره‌فتاره‌يلێ.

FaceIraq
}