2019-05-23 08:54:48

شه‌فه‌ق نيوز/ رووژنامه‌ى ئه‌ندبندنت بريتانى باوه‌تيگ كارلى بيرسۆن پارێزه‌ر ئه‌مريكى بڵاو كرد سه‌باره‌ت وه‌ هويره‌وكردن دۆناڵد تره‌مپ سه‌رۆك ئه‌مريكا له‌باره‌ى ده‌ركردن وه‌خشين ئه‌را ئه‌و سه‌ربازه‌يل تاوانباره‌ ك تاوان ئه‌نجام دانه‌ له‌ جه‌نگ له‌ده‌يشت وڵاته‌گه‌.

 

ئه‌و باوه‌ته‌ وه‌ناونيشان"تره‌مپ ئه‌و سه‌ربازه‌يله‌ ئه‌وه‌خشێد ك تاوان جه‌نگ ئه‌نجام دانه"له‌تى نويسه‌ره‌گه‌ وتگه‌ تره‌مپ له‌ سه‌ره‌تاى ئى مانگه‌ وه‌خشينيگ گشتگير ده‌ركردگه‌ له‌باره‌ى مايكڵ بيننه‌نا سه‌رباز وه‌رين ك له‌ساڵ 2009 وه‌ ئه‌نجامداين تاوان كوشتن ئه‌نقه‌ز هاووڵاتييگ بيتاوان مه‌ده‌نى تومه‌تبار كريا.‌

 

كارلى وت: وه‌گووره‌ى ئه‌و دعايه‌يليشه‌ ك ئيسه‌ باس ئه‌كريه‌ێد له‌ واشنتۆن ئه‌وه‌سه‌ ماڵ چه‌رمگ هوير له‌ ده‌ركردن وه‌خشينيگ هاوشيوه‌ ئه‌كا ئه‌را شماره‌ى فريه‌يگ له‌و سه‌ربازه‌يله‌ ك تاوان جه‌نگ ئه‌نجام دانه‌و باس له‌وه‌يش كرد ئه‌گه‌ر ئى بڕياره‌ ده‌ربكريه‌ێد ئه‌وه‌ ئه‌دێده‌ ئاماژه‌يگ تر ئه‌را ئه‌وه‌گ ئى ئداره‌ له‌ واشنتۆن هاوسه‌نگييگ ئه‌را دادگه‌رى نه‌يرێد و قه‌بوڵ وه‌ حوكم دادگاو سه‌روه‌رى ياسا نه‌يرێد.

YesIraq
}