2019-03-20 07:36:00

شه‌فه‌ق نيوز/ رووژنامه‌ى "ئه‌لئه‌خبار"نزيك له‌ حزبوڵڵاى لوبنانى، له‌ زووان سه‌رچه‌وه‌يليگ ئاگادار باس له‌ ديده‌يليگ كرد ك هه‌وڵه‌يل كه‌نداويه‌يل ئه‌را وسيان له‌ دڵ پرووسه‌ى سياسى عراقى وه‌ره‌و گومبوين ئه‌چێد له‌ساى ركابه‌رى سعودى - قه‌ته‌رى و وت: لايه‌ن عراقى ديد و هوير وڕاى خوه‌ى ديرێد ئه‌را ئى ئنفتاح عه‌ره‌بى و چوينێتى مامڵه‌كردن وه‌ليا.

 

رووژنامه‌گه‌ له‌ راپۆرتيگى له‌ شماره‌ى ئمڕووى، وت: مه‌سه‌له‌ى بڕيار عراقى مه‌يل وه‌ره‌و مامڵه‌كردن وه‌ل دۆحه‌ ديرێد، وه‌بوونه‌ى مه‌ترسييى له‌ گامه‌يل رياز و ئه‌بو زه‌بى، ك ئحساس وه‌جه‌م ديرێد له‌ وه‌رپرسيارێتى سعوديه‌ له‌ روێداگه‌يل خويناوى ك كه‌فته‌و له‌ناونى ساڵه‌يل 2007 و 2017و ئى ترسيشه‌ له‌ نه‌وين كاريگه‌رى ئه‌نجومه‌ن هه‌ماهه‌نگى سعودى و عراقى بته‌و ئه‌كا ك له‌ له‌تاوسان 2017ى گوزه‌يشت دامه‌زريا تائيسه‌.

 

وه‌ل ئه‌وه‌يشا سه‌رچه‌وه‌يل تر حكومى عراقى وشدارێ ئه‌يه‌ن له‌ وه‌رانوه‌ر جموجويل كه‌نداو وه‌گووره‌ى ئه‌وه‌گ مه‌يل كه‌نداويه‌يل له‌ جيوه‌جيكردن گه‌وراترين توانايگه‌ له‌ وه‌به‌رهاوردن ئابوورى له‌ عراق دوياى داعش له‌ گشت بواره‌يل و له‌وانه‌يش ئاوه‌دانكردنه‌وه‌ و دوياى ئه‌وه‌يش هه‌وڵ ركابه‌رێ ئيران ئه‌يه‌ن له‌ڕێ به‌رزه‌وكردن دروشم قويلايى عه‌ره‌بى و سێيه‌ميش ترسيان له‌ له‌ده‌سداين رۆڵيان له‌ وڵات ناونى دوچه‌مان و مكوڕبوينيان له‌بان ئى ئنفتاحه‌ له‌ پێشكه‌شكردن وه‌ره‌قه‌ى متمانه‌ى تازه‌ وه‌ دۆناڵد تره‌مپ سه‌رۆك ئه‌مريكا ك ئامانج له‌لى چه‌وديريكردن ئيرانه‌ له‌ناوخود عراقه‌و.

YesIraq