2019-05-08 09:02:59

شه‌فه‌ق نيوز/ رووژنامه‌ى تايمز له‌ راپۆرتيگى وت: 45 هه‌زار مناڵ له‌و ناوچه‌يله‌ له‌دايگ بوينه‌ ك له‌ژير ده‌سڵات ريكخرياگ تيرۆريستى داعش بويه‌و ئيسه‌ بوينه‌سه‌ بۆمبيگ ته‌وقيتكرياێ له‌ عراق.

 

رووژنامه‌گه‌ وت: ئه‌و مناڵه‌يله‌ بيبه‌ش كريانه‌ له‌ هاووڵاتيبوين له‌وه‌ر ئه‌وه‌گ له‌و ناوچه‌يله‌ له‌دايگ بوينه‌ ك له‌ژير ده‌سڵات داعش بوينه‌و يه‌يش له‌يوا ئه‌كا بوونه‌ له‌ ئاينده‌ خوه‌يكوش له‌لێان ده‌ربچێد، جوور ئه‌وه‌گ وه‌رپرس دژه‌ تيرۆر له‌ يه‌كێتى ئۆرپا وشدارێ دا.

 

راپۆرته‌يل باس له‌وه‌ ئه‌كه‌ن شماره‌ى ئه‌و مناڵه‌يله‌ ك ره‌گه‌نامه‌ له‌ عراق نه‌يرن 45 هه‌زار مناڵه‌و پيشبينى يه‌يش كرياگه‌ ئى شماره‌ دو ئه‌وه‌نه‌ زياتره‌و بدێ له‌ ماوه‌يگ نزيك چوينگه‌ نزيكه‌ى 30 هه‌زار عراقييش له‌ كه‌مپه‌يل جياجياى په‌نابه‌ره‌يل له‌ سوريايش گله‌و ئه‌خوه‌ن.

YesIraq