2019-02-25 08:10:00

شه‌فه‌ق نيوز/ رووژنامه‌ى فايننشال تايمز راپۆرتيگ كله‌وى كوڕنش بڵاوكرد ك له‌ نه‌ينه‌وا نويساسه‌ێ له‌بازه‌ى زيايبوين مه‌ترسى له‌بان مناڵه‌يل عراقى له‌ خيزانه‌يل تيرۆريسته‌يل ريكخرياگ داعش.

 

رووژنامه‌گه‌ حكايه‌تيگ عه‌لى سه‌عيد باس كردگه‌ ك ده‌زگايه‌يل ئه‌منى داڵگى ده‌سگير كردنه‌ له‌ناو ئه‌و چادره‌ ك له‌تى نيشتنه‌  وه‌ل ئاواره‌يل له‌ چوارچێوه‌ى هه‌ڵمه‌تيگ ده‌سگيركردن ك ئامانج له‌لى تاكه‌يل ريكخرياگ داعش يا لايه‌نگره‌يليه‌.

 

فايننشاڵ ئويشيد گرتن هه‌زاران گومانليگرياێ له‌ په‌يوه‌نديه‌يليان وه‌ل ريكخرياگ داعش بويه‌سه‌ هووكار وه‌جيهيشتن مناڵه‌يل فريه‌يگ جوور عه‌لى و ئيسه‌يش فريه‌يگ له‌ليان تويش شۆك ده‌روينى هاتنه‌و ترس ئه‌وه‌يش له‌لێان ئه‌كريه‌ێد ئه‌و مناڵه‌يليشه‌ فكره‌يل تونڕه‌وێ له‌ليان بايده‌ وجوود له‌ حاڵه‌تيگ ئه‌گه‌ر پشتگووش بخريه‌ن.

 

جى باسه‌، يه‌يش له‌وه‌ختيگه‌ حكومه‌ت عراقى له‌ڕێ ئه‌و هه‌ڵمه‌ته‌يله‌و هه‌وڵ گرتن پاشمه‌نده‌يل ريكخرياگ تيرۆرستى داعش ئه‌ياد، وه‌لێ له‌لايه‌ن ريكخرياگه‌يل مافناسييه‌وه‌ ئدانه‌ ئه‌كريه‌ێد وه‌بوونه‌ى گرتن هه‌ڕه‌مه‌كييه‌و له‌ناو كه‌مپه‌يل.

YesIraq