2019-05-19 19:01:12

شه‌فه‌ق نيوز/ ئاراس حه‌بيب كه‌ريم ئه‌ندام ئه‌نجومه‌ن نوێنه‌ره‌يل له‌بان پاريزگاى به‌غدا, باوه‌ڕێ ئه‌وه‌سه‌ ئه‌وه‌گ روێ ئه‌ياد له‌باره‌ى سزانن كێڵگه‌يل گه‌نم و له‌ پاريزگايه‌يل جياجيا هه‌وه‌جه‌ وه‌ له‌وه‌رگرتن رێ شوونه‌يل جددێ ئه‌كا له‌وه‌ختيگ ك سه‌دان دۆنم كشتوكاڵى له‌لايه‌ن كه‌سه‌يليگ نه‌ناسرياێ له‌ پاريزگايه‌يل دياله‌و نه‌ينه‌واو سه‌ڵاحه‌دين و نه‌جه‌ف و موسه‌ناوه‌ سزنريانه‌.

 

كه‌ريم له‌ به‌ياننامه‌يگ وت: هويچ قسه‌يگ له‌باره‌ى سزانن كێڵگه‌يل گه‌نمه‌و فايده‌ نه‌يرێد و له‌وه‌رجه‌ ئه‌وه‌يش روێداگ سه‌رئاوكه‌فتن ماسيه‌يل كه‌فته‌و.

 

كه‌ريم وت: بايه‌سه‌ له‌بانمان بگه‌رديمنه‌ چوون هووكاره‌يل و كه‌سه‌يليگ هه‌ن ناخوازن بنيات ئابوورى نيشتمانى بنريه‌ێد و گرنگى وه‌ به‌رهه‌م ناوخوه‌يى بدريه‌ێد چ كشتوكاڵ يا سامانه‌يل حه‌يوانى يا بوار پيشه‌سازى.

 

جى باسه‌، كه‌ريم يه‌يش ده‌رخست و وت: مافيايه‌يل و ئه‌وانه‌گ هانه‌ پشتيان ئه‌خوازن ئى وڵاته‌ بدێده‌ بازاڕيگ ئه‌را خه‌رجكردن كاڵايه‌يل هاورياى و جه‌خت له‌وه‌يش كرد ك ئه‌يه‌ هه‌ڕه‌شه‌يگ جدييه‌ هه‌وه‌جه‌ وه‌ له‌وه‌رگرتن رێ وشوون ئه‌كا له‌وه‌ر مه‌ترسيه‌يل له‌ ئيسه‌و ئاينده‌يش.

YesIraq