2019-10-30 07:53:52

شه‌فه‌ق نيوز/ بانك رافده‌ين ئاشكراى پڕه‌وكردن نزيكه‌ى 691 مليار دينار مووچه‌ى خانه‌نشين و كارمه‌نده‌يل كرد له‌ شماره‌يگ له‌ ده‌زگايه‌يل ده‌وڵه‌ت له‌وانه‌يش ته‌ندروستى و په‌روه‌رده‌ له‌گشت پاريزگايه‌يل وڵاته‌گه‌ له‌ماوه‌ى دو رووژ گوزه‌يشت.

 

له‌و باوه‌ته‌و، نويسينگه‌ى ره‌سانن بانك رافده‌ين له‌ به‌ياننامه‌يگ وت: 250 مليار دينار مووچه‌ درياسه‌ خانه‌نشينه‌يل له‌ لقه‌يلى له‌ ناوڕاس وڵات و 150 مليار دينار له‌ لقه‌يلى له‌ پاريزگايه‌يل باشوور.

 

به‌ياننامه‌گه‌ هه‌ميش وت: لقه‌يل بانكه‌گه‌ له‌ گشت عراق وه‌ دارايى خواست پڕه‌و كرياگه‌ ئه‌را دابه‌شكردنى له‌بان كارمه‌نده‌يل و خانه‌نشينه‌يل و باس له‌وه‌يش كرد زياتر له‌ يه‌ك تريليۆن دينار درياگه‌ جوور مووچه‌ى كارمه‌نده‌يل و خانه‌نشينه‌يل له‌ ماوه‌ى دويه‌كه‌و بانكه‌گه‌يش وه‌رده‌وامه‌ له‌ داين مووچه‌ له‌ڕێ لقه‌يلى له‌ وڵاته‌گه‌و 200 مليار ديناريش داسه‌ خاوه‌ن نويسينگه‌يل ده‌روازه‌ى تايبه‌ت.

}