2018-12-19 07:29:00

شه‌فه‌ق نيوز/ بانك رافده‌ين ئاشكراى دابه‌شكردن وه‌جبه‌يگ تر له‌ سلفه‌ى زوعف و دوو ئه‌وه‌نه‌ ئه‌را خانه‌نشينه‌يل مه‌ده‌نى و سه‌ربازێ كرد له‌رێ داين هووكاره‌يل ئه‌لكترۆنى.

 

نويسينگه‌ى ره‌سانن بانكه‌گه‌ له‌به‌ياننامه‌يگ وت: وه‌جبه‌يگ تر له‌ سلفه‌ى خانه‌نشينه‌يل مه‌ده‌نى و سه‌ربازى ئه‌را نزيكه‌ى 6674 خانه‌نشين دابه‌ش كرياگه‌و ئه‌و سلفه‌ دووجا و زياتره‌ وه‌ گووره‌ى مه‌زه‌نه‌ى مووچه‌ى خانه‌نشينه‌گه‌ له‌ناونى 3 مليۆن و 7 مليۆن دينار.

 

به‌ياننامه‌گه‌ هه‌ميش وت: ئه‌و سلفه‌ له‌ڕێ ئاگاداركردن خانه‌نشينه‌گه‌وه‌ وه‌ نامه‌يگ ئه‌دريه‌ێد دوياى ته‌واوكردن ڕێ وشوونه‌يل ياسايى ئه‌را وه‌رگرتنى و له‌ڕێ داين هووكاره‌يل ئلكترۆنييش وه‌پى ئه‌دريه‌ێد.

YesIraq