2019-12-22 07:01:35

شه‌فه‌ق نيوز/ بانك رافده‌ين وشدارى دا كارمه‌نده‌يل ده‌زگايه‌يل ده‌وڵه‌ت و خانه‌نيشينه‌يل له‌ مامڵه‌كردن وه‌ل بڕيگ له‌ كۆمپانياو كۆمه‌ڵه‌يل وه‌كاربه‌ر و بڕيگ له‌ ده‌روازه‌يل كارت زيره‌ك ك بانگه‌واز ئه‌وه‌ ئه‌كه‌ن گوايا مامڵه‌ وه‌ل بانكه‌گه‌ ئه‌كه‌ن له‌وه‌ر وه‌پيداين سلفه‌ وه‌پيان.

 

له‌ى باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ ئه‌را شه‌فه‌ق نيوز وت: بڕيگ كۆمپانيا و كۆمه‌ڵه‌ى وه‌كاربه‌ر و نويسينگه‌ى ده‌روازه‌يل كارت زيره‌ك هه‌ن له‌ به‌غداو پاريزگايه‌يل هه‌وڵ ئه‌يه‌ن قه‌ناعه‌ وه‌ كارمه‌ند و خانه‌نشينه‌يل بكه‌ن و ئستغلال ناو بانكه‌گه‌ بكه‌ن له‌ڕێ ئه‌وه‌گ گوايا سلفه‌ى فه‌ورى ئه‌يه‌ن وه‌هاوكارى و هه‌ماهه‌نگى وه‌ل بانكه‌گه‌ وه‌رانوه‌ر وه‌رگرتن بڕه‌ پويليگ خه‌ياڵى.

 

به‌ياننامه‌ باس له‌وه‌ كرد ئه‌وانه‌ ماڵپه‌ڕه‌يل په‌يوه‌ندى كۆمه‌ڵايه‌تى جوور سه‌كووييگ ئه‌يه‌رنه‌ كار ئه‌را جيوه‌جيكردن مه‌رامه‌يليان و دعايه‌كردن ئه‌را وه‌پيداين سلفه‌ جوور هه‌وڵيگ ئه‌را كه‌سبكردن كارمه‌ند يا خانه‌نشين و باوه‌ڕ وه‌پيكردنيان و هه‌ر وه‌و خاتريشه‌ داوا ئه‌كه‌يم باوه‌ڕ وه‌و لايه‌نه‌يله‌ نه‌كريه‌ێد و ته‌نيا رلايه‌نيگ ياسايى ك سلفه‌ ئه‌ياد لقه‌يل بانكه‌گه‌س وه‌ ته‌نياو كارمه‌نده‌يل و خانه‌نيشينه‌يل ئه‌تويه‌نن سه‌ردانيان بكه‌ن.

}