2018-12-15 10:15:00

شه‌فه‌ق نيوز/ بانك رافده‌ين رينمايه‌يل تايبه‌تيگ وه‌ قه‌رز 75 مليۆنه‌گه‌ ئه‌را كارمه‌نده‌يل و هاووڵاتيه‌يل ديرێد ئه‌را سه‌ندن يه‌كه‌ێ نيشته‌جێ له‌ پرووژه‌يل وه‌به‌رهاوه‌ردن.

 

نويسينگه‌ى بانكه‌گه‌ له‌ به‌ياننامه‌يگ ئه‌را شه‌فه‌ق نيوز وت: وه‌ گووره‌ى سياسه‌ت بانكه‌گه‌ ك ئامانجى پشتگيريكردن هاووڵاتيه‌يل و كارمه‌نده‌يله‌و له‌وه‌ر به‌شدارى له‌ كه‌مه‌وكردن مه‌ينه‌تى له‌ قه‌يران نيشته‌جيبوين و هانداين ئه‌را سه‌ندن يه‌كه‌يل نيشته‌جێ له‌ پرووژه‌يل وه‌به‌رهاوردن، بڕيار داگه‌ قه‌رز وه‌گووره‌ى شوون نيشته‌جێ بيه‌ێد ئه‌را سه‌ندن له‌گشت پاريزگايه‌يل عراقى.

 

به‌ياننامه‌گه‌ وت: هاووڵاتيه‌يل ئه‌تويه‌نن يه‌كه‌ێ نيشته‌جێ بسينن له‌ كۆمه‌ڵگه‌يل نيشته‌جيبوين و دوياخر ئاماده‌ بكريه‌ێد له‌لايه‌ن چه‌ن كومپانيايگ له‌ به‌غداو پاريزگايه‌يل و قه‌واڵه‌گه‌ى باريه‌ێد ئه‌را بانك تا 75 مليۆنه‌گه‌ وه‌پێ بدريه‌ێد وه‌ گووره‌ى ئى مه‌رجه‌يله‌:

1- فريه‌ترين قه‌رز ئه‌را پرووژه‌ 75 مليۆن ديناره‌ وه‌و مه‌رجه‌ نرخ ئه‌و يه‌كه‌ى نيشته‌جييه‌ ك دياره‌ له‌ عه‌قده‌گه‌ له‌ناونى بسين و وه‌به‌رهاوه‌ره‌گه‌ێ ئمزا كريه‌ێد له‌و نرخه‌ زياتر نه‌دێ.

2- بايه‌سه‌ له‌ ماوه‌ى 180 مانگ ك ئه‌كاده‌ 15 ساڵ ئه‌و قه‌رزه‌ بدريه‌ێده‌و له‌ دوياى مانگيگ له‌ وه‌رگرتن پويله‌گه‌.

3- بايه‌سه‌ عراقێ و ته‌مه‌نى 18 ساڵان ته‌واو كردوێد وه‌ل پيشكه‌شكردن به‌ڵگه‌يل(ره‌گه‌زنامه‌- كارت زانيارى- شايه‌ت جنسيه‌) يا كارت نيشتمانى.

4- زه‌مانه‌ت ئه‌و قه‌رزه‌ كه‌فيليگ مه‌ده‌نى له‌بان مه‌لاك هه‌ميشه‌يى بدێ له‌ ده‌زگايه‌يل ده‌وڵه‌ت و قه‌واڵه‌گه‌يش پيشكه‌ش بكريه‌ێد و ده‌رچگنى وه‌ناو داواكار قه‌رزه‌گه‌ بدێ وه‌و جووره‌گ بڕ وه‌ گره‌وناين قه‌رزه‌گه‌ له قه‌رزه‌گه‌ كه‌تر نه‌دێ + 20% ك نريه‌ێده‌ گره‌و ئه‌را به‌رژه‌وه‌ندێ بانكه‌گه‌.

5- بڕين مانگانه‌ وه‌ قست ئه‌دێ له‌ڕێ هووكاره‌يل ئه‌لكترۆنى ئه‌گه‌ر وجوود داشتود و ئه‌گه‌ريش قه‌رزگه‌ره‌گه‌ كارمه‌ند ده‌وڵه‌ت بدێ واز له‌ كه‌فيله‌گه‌ تيه‌رێد.

 

YesIraq