2020-03-22 05:49:19

شه‌فه‌ق نيوز/ نويسينگه‌ى ره‌سانن ئه‌سعد عيدانى پاريزگار به‌سره‌، ئه‌و هه‌واڵه‌يله‌ خسته‌ دروو ك له‌لايه‌ن بڕێگ له‌ لاپه‌ڕه‌يله‌و له‌ ماڵپه‌ڕه‌يل كۆمه‌ڵايه‌تى بڵاو كريان له‌باره‌ى تويشهاتن نورى مالكى سه‌رۆك ئئتلاف ده‌وڵه‌ت ياسا وه‌ جه‌ڵته‌ى مه‌ژگ.

 

نويسينگه‌گه‌ له‌ به‌ياننامه‌يگ وت: بڕيگ له‌ لاپه‌ڕه‌يل ماڵپه‌ڕ په‌يوه‌نديه‌يل كۆمه‌ڵايه‌تى بڵاوكرياگيگ ساخته‌ له‌ تويته‌ر بڵاو كردنه‌و وه‌ناو ئه‌سعه‌د عيدانى پاريزگار به‌سره‌.

 

به‌ياننامه‌گه‌ باس له‌وه‌ كرد پاريزگار به‌سره‌ هويچ لاپه‌ڕه‌يگ له‌ تويته‌ر نه‌يرێد و ئه‌و بڵاوكرياگيشه‌ ك بڵاوه‌و كرياگه‌ ساخته‌س.

 

جى باسه‌، يه‌يش له‌وه‌ختيگه‌ بڕێگ لاپه‌ڕه‌يل له‌ ماڵپه‌ڕ كۆمه‌ڵايه‌تى وه‌ زووان پاريزگار به‌سره‌وه‌ بڵاوكرياگيگ بڵاوه‌و كردن و له‌تى نويسياوێد نورى مالكى ها يه‌كيگ له‌ نه‌خوه‌شخانه‌يل ته‌هران دوياى ئه‌وه‌گ تويش جه‌ڵته‌ى مه‌ژگ هاتگه‌و تواناى قسه‌و جموجه‌يل نه‌يرێد.

}