2019-03-06 17:29:00

شه‌فه‌ق نيوز/ ئه‌نجامه‌يل شيه‌وكردن ده‌سكه‌فتگ له‌ تاقيگايه‌يل ناوده‌وڵه‌تى جه‌خت له‌وه‌ كرد ك بان ئاوكه‌فتن ماسيه‌يل كارب له‌ عراق ك روێدا له‌ كووتايى ساڵ 2018ى گوزه‌يشت وه‌ بوونه‌ى نه‌خوه‌شبوين ماسيه‌يله‌و بويه‌ نه‌ك له‌وه‌ر پيسبوين.

 

له‌و باوه‌ته‌و راپۆرته‌يليگ ئه‌وه‌ ده‌رخستن ك ئه‌و ماسيه‌ه‌يله‌ تويش نه‌خوه‌شى "كه‌وى ئه‌لهربس - KHV"" هاتنه‌ ك نه‌خوه‌شييگه‌ كوشنده‌ ك بويه‌سه‌ هووكار مرداره‌وبوين نزيكه‌ى 100 له‌سه‌د له‌ ماسيه‌يل كارب و مه‌سه‌له‌ى پيسبوين كيمياوى دوير بويه‌ له‌ بان ئاوكه‌فتن ئه‌و ماسيه‌يله‌.

 

جى باسه‌، ديارده‌ى بان ئاوكه‌فتن ماسيه‌يل له‌ ئوكتۆبه‌ر ساڵ 2018 بويه‌ هووكار مرداره‌وبوين مليۆنه‌ها ماسى كارب له‌ ناوچه‌ى فورات ناوڕاس له‌ عراق و يه‌يش نگه‌رانى فريه‌يگ له‌لاى مه‌ردم وڵاته‌گه‌ دروسكرد.

YesIraq