دویای سەردان کازمی.. لە هەفتەیگ ٥٠٠ بار ئیرانی تیەێدە ناو مەنەلی

Category: هــــه‌واڵ عــیراق

Date: 2020-07-12T20:16:17+0000

شەفەق نیوز/ وەرپرسیگ خۆجێی لە دیالە، ئمڕوو یەکشەممە، ئاشکراکرد لە رێککەفتنیگ ناوبەین حکومەت عراقی و لایەنە ئیرانیەگە وە هاتن'' هەفتانە'' ٥٠٠ بارئه‌ڵگر ئیرانی لە کاڵای جوورا جور لە ری مەرز مەنەلی.
مازن خوزاعی وەڕیەوبەر ناحیەی مەنەلی ئەرا ئاژانس شەفەق نیوز وت: رێککەفتنیگ ناوبەین عراق و ئیران بوی لە باوه‌ت هاتن ٥٠٠ بار ئیرانی ئەرا خاك عراقی لەری مەرز مەنەلی، لە ماوەی دوو رووژ لە گشت هەفتەیگ، وەرێژەی ٢٥٠ بار لە رووژیگ.
خوزاعی هوشداریدا لە لاوازی ریکارە تەندروسی و مقەیەتیەگان دەربارەی ڤایڕۆسەگە لە مەرزەگە، و جەخت کرد لە گرنگی وەکارهاوردن پلان تەندروسی سەختیگ ئەرا نواگردن لە زیایبوین تووشهاتن کۆڕۆنا، لە ری وەناوهاتگهەیل لە مەرز مەنەلی.
خوزاعی بانگەواز کرد ئەرا مقەیەتی دیالە لە پەتای کۆڕۆنا، و نواگردن لە بڵاوبەین تووشهاتنەیلیگ لە ئیرانەو بان، و لە خود وەختەگە جەخت کرد لە گرنگی رەوش ئابووری و وەکارخستن هەزاران كه‌س لە مەرزەگە. جی باسە ک موستەفا کازمی سەرۆک وەزیران، دویەکە سەردان مەرز مەنەلی کرد و فەرمان دا و نیمچە وازکردن مەرزەگە لە باوه‌ت کارەیل گواستنەوەی بازرگانی ناوبەین عراق و ئیران.