2019-12-11 07:37:12

شه‌فه‌ق نيوز/ سه‌رچه‌وه‌يگ له‌ پۆليس عراقى، ئاشكراى دوينستنه‌وه‌ى ته‌رم چالاكوانيگ مه‌ده‌نى كرد دوياى چه‌ن سه‌عاتيگ له‌ رفاننى له‌وه‌ختيگ له‌ مه‌يدان ته‌حريره‌و گله‌و خواردگه‌ ئه‌را ماڵه‌گه‌ى له‌ باكوور به‌غداى پايته‌خت.

 

ئه‌و سه‌رچه‌وه‌ ئه‌را شه‌فه‌ق نيوز وت: ته‌رم (عه‌لى لامى)چالاكوان مه‌ده‌نى له‌ ناوچه‌ى شه‌عب له‌ باكوور به‌غدا دوينرياسه‌و، ك شوون زه‌خم وه‌ سه‌ريه‌و بويه‌و خوين له‌لى هاتگه‌و دوياخره‌ له‌ئه‌نجامى گيان له‌ده‌سداگه‌.

 

سه‌رچه‌وه‌گه‌ وت(لامى)دوياى ئه‌وه‌گ له‌ مه‌يدان ته‌حرير چيه‌سه‌و ئه‌را ماڵه‌گه‌ى خوه‌ى له‌ شه‌عب نه‌مه‌نده‌سه‌ى و دوياى 12 سه‌عات له‌ نه‌مه‌ندى ته‌رمه‌گه‌ى دوينرياسه‌و.

}