2019-02-20 07:53:00

شه‌فه‌ق نيوز/ ليژنه‌ى هه‌ماهه‌نگيه‌يل عراق ئه‌را مه‌لاكه‌يل ته‌ندروستى، ئاشكراى ئاماده‌گى كرد ئه‌را مانگرتن گشتى له‌وه‌ر ده‌رخستن ناڕه‌زايه‌تى له‌بان ئه‌وه‌گ حكومه‌ت ناوه‌ندى داواكاريه‌يليان جيوه‌جێ ناكا، يه‌يش دوياى ئه‌وه‌گ رووژه‌يل يه‌كشه‌ممه‌و دوشه‌ممه‌ى گوزه‌يش كادره‌يل ده‌رسده‌ر و مامۆستايه‌يل باكۆت ده‌وام فه‌رمى كردن و داواى خاسسازى له‌ موچه‌و به‌خشينه‌ى دارايى كردن.

 

ليژنه‌گه‌ له‌ به‌ياننامه‌يگ وت: له‌وه‌ر شكه‌ست خاوه‌ن بڕياره‌يل له‌ حكومه‌ت و جێوه‌جى نه‌كردن قه‌وڵه‌يليان و جوانه‌دانه‌وه‌ى داواريه‌يلمان، ئيمه‌ هويچ چشتيگ تر نه‌يريم وه‌پى هه‌وڵ بيه‌يم ته‌نيا مه‌گه‌ر نيشنداين ناڕه‌زيه‌تى و مانگرتن نه‌دێ تاوه‌ختيگ داواكاريه‌يلمان جيوه‌جێ ئه‌دێ.

 

به‌ياننامه‌گه‌ هه‌ميش وت: ناكريه‌ێد ئيمه‌ بيده‌نگ بويمن وه‌ل ئى هه‌مگه‌ پشتگووشخستنه‌ ئه‌نقه‌زه‌ له‌لايه‌ن حكومه‌ته‌و له‌وه‌ختيگ ك ئيمه‌ داواى سه‌بر له‌ هاووڵاتيه‌يل ئه‌كه‌يم له‌بان هه‌ر زه‌ره‌ديگ وه‌پيان ره‌سێد و باسيش له‌وه‌ كرد ك له‌ئمڕووه‌و كادره‌يل ته‌ندروستى ده‌س ئه‌كه‌نه‌ مانگرتن و باكۆت له‌ ده‌وام فه‌رمى.

YesIraq