2019-03-11 07:09:00

شه‌فه‌ق نيوز/ حه‌سه‌ن رۆحانى سه‌رۆك ئيرانى و شانده‌ ياوه‌ره‌گه‌ێ ره‌سينه‌ به‌غداى پايته‌خت، ك يه‌يش يه‌كه‌مين سه‌ردانيه‌ ئه‌را عراق له‌وه‌ختيگه‌و پۆستگه‌ى وه‌رگرتگه‌ له‌ساڵ 2013.

 

رويتريش محه‌مه‌د جه‌واد زه‌ريف وه‌زير خارجيه‌ى ئيران، وه‌ سه‌ردانيگ ره‌سيه‌ به‌غداى پايته‌خت له‌وه‌ر ئاماده‌كارى ئه‌را سه‌ردانه‌گه‌ى رۆحانى ك سێ رووژ دريژه‌ ديرێد و بڕياره‌ له‌تى چه‌وێ بكه‌فێده‌ به‌رهه‌م ساڵح هاوتا عێراقيه‌گه‌ى و عادل عه‌بدولمه‌هدى سه‌رۆك وه‌زيره‌يل و عه‌لى سيستانى مه‌رجه‌ع باڵاى ئايينى.

 

جى باسه‌، رۆحانى ئه‌خوازێد عراق بكاده‌ سه‌رچه‌وه‌يگ ئابوورێ ئه‌را وڵاته‌گه‌ێ، له‌و باوه‌تيشه‌‌و وه‌رپرسه‌يل ئيرانى زويتر باس له‌ تواناى عراق كردن ئه‌را وازكردن كۆمپانيايه‌يل عراقيى هساوه‌يليان له‌ بانكه‌يل ئيرانى و ئه‌نجامداين مامڵه‌كردن وه‌ دينار عراقى و جه‌ختيش له‌وه‌ كردن رۆحانى دقه‌ت له‌بن لاوردن ڤيزا ئه‌كا له‌ناونى هه‌ردوگ وڵات، ك يه‌يش يه‌كه‌مجار چه‌سپيه‌ێد له‌بان بازرگانه‌يل.

YesIraq