2019-03-18 07:21:00

شه‌فه‌ق نيوز/ ده‌مه‌و شه‌وه‌كى ئمڕوو ئه‌بو مه‌هدى موهه‌ندس جيگر سه‌رۆك ده‌سه‌ى حه‌شد شه‌عبى ره‌سيه‌ شار موسڵ پايته‌خت ناوچه‌يى پاريزگاى نه‌ينه‌وا.

 

سه‌رچه‌وه‌يگ وه‌رپرس ئه‌منى ئه‌را شه‌فه‌ق نيوز وت: موهه‌ندس ده‌مه‌و شه‌وه‌كى زوييگ ره‌سيه‌و هويچ ده‌نگدوويگ له‌بان سه‌ردان عادل عه‌بدولمه‌هدى سه‌رۆك وه‌زيره‌يل ئه‌را شاره‌گه‌ نيه‌و باس له‌وه‌يش كرد موهه‌ندس سه‌ردان شه‌نگاڵ ئه‌كا ئه‌را ئارامه‌وكردن بارودوخ له‌و شاره‌ دوياى ئه‌وه‌گ جه‌نگ له‌ناونى تاكه‌يليگ له‌ حه‌شد شه‌عبى و چه‌كداره‌يليگ له‌ پارت كارگه‌ره‌يل كوردستان روێددا.

 

جى باسه‌، دويه‌كه‌ يه‌كشه‌ممه‌ شانه‌ى ره‌سانن ئه‌منى ئاشكراى كوشيان دو سه‌رباز عراقى و زه‌خمداربوين په‌نج چه‌كدار پارت كارگه‌ره‌يل كوردستان كرد له‌ئه‌نجام جه‌نگيگ له‌ناونى هه‌ردوگلا له‌ قه‌زاى شه‌نگاڵ ك زوورم مه‌ردمه‌گه‌ێ ئێزيه‌و كيشه‌ له‌سه‌ره‌ له‌ناونى هه‌ولێر و به‌غدا.

YesIraq