2020-03-25 07:58:01

شه‌فه‌ق نيوز/ شانه‌ى قه‌يران له‌ پاريزگاى كه‌ركوك، موڵه‌ت ناچارى دانه‌ كارمه‌نده‌يل له‌ ده‌زگايه‌يل ناحيه‌ى تازه‌، ئه‌ويش دوياى تۆماركردن حاڵه‌تيگ مردن ك ژنيگ بوى وه‌ ڤايرۆس كۆرۆنا.

 

شانه‌گه‌ له‌ به‌ياننامه‌يگ ئه‌وه‌ ده‌رخست ك ده‌زگايه‌يل كه‌رت نه‌فتى و ده‌زگايه‌يل خزمه‌تگوزارى و ئه‌منى و بازرگانى موڵه‌ت ناچارى بيه‌نه‌ كارمه‌نده‌يليان له‌وانه‌گ نيشه‌جێ ناحيه‌ى تازه‌و ئاوايى به‌شيرن له‌ ئمڕووه‌و تا وه‌خته‌يليگ ناديار تا وه‌ختيگ كاره‌يل پاكه‌وكردن و رێ وشوونه‌يل ته‌ندروستى ته‌واو ئه‌دێ.

 

جى باسه‌، يه‌يش له‌وه‌ختيگه‌ ده‌زگاى ته‌ندروستى كه‌ركوك ئاشكراى تۆماركردن يه‌كه‌م حاڵه‌ت مردن كرد وه‌ ڤايرۆس كۆرۆنا له‌ پاريزگاگه‌.

}