2019-04-23 06:33:00

شه‌فه‌ق نيوز/ ده‌سڵاته‌يل عراقى په‌يجورى واز كردن له‌باره‌ى ئه‌وه‌گ بڕيگ خوه‌ندكار زانكۆيى دروشمه‌يل حزب به‌عس رمياێ وتنه‌ له‌وه‌خت ئاهه‌نگ ده‌رچگنيان ك دوباره‌ روێداگه‌ له‌ى ماوه‌ى دوياخره‌.

 

له‌و باوه‌ته‌و, قوسه‌ى ئه‌لسهێل وه‌زير خوه‌ينين باڵاو توێژينه‌وه‌ى زانستى, رينمايى وازكردن گورج په‌يجورى دا وه‌ل لايه‌نه‌يل په‌يوه‌نديدار له‌ كۆليژ ياسا له‌ زانكۆى دياله‌ ك له‌تى خوه‌ندكاره‌يل هتاف وه‌ زينگه‌وكردن حزب به‌عس كيشانه‌ ك حوكم عراق كرد تا ساڵ 2003.

 

ئه‌لسهێل ئه‌و كاره‌ وه‌ دوباره‌كرياێ روێداگه‌يل زينگه‌وكردن سته‌مكارى و به‌عس ناوبرد له‌وه‌خت ئاهه‌نگه‌يل ك له‌ زانكۆيه‌يل ئه‌نجام ئه‌دريه‌ێد و وه‌ مه‌سه‌له‌يگ مه‌ترسيدار تاريفى كرد و وت: لايه‌نه‌يليگ ده‌ره‌كى و ناوخوه‌يى له‌ى مه‌سه‌له‌ وه‌ دوير نازانيم هان جايه‌ڵه‌يل بيه‌ن ئيچنه‌ كاره‌يليگ ئه‌نجام بيه‌ن ك چه‌واشه‌ى ياساو ده‌ستووره‌و يه‌يش ده‌رخست ك ئه‌وه‌گ روێدا له‌ زانكۆى دياله‌/ كۆليژ ياسا, جوور هتاف و سروده‌يل به‌عسى له‌وه‌خت ئاهه‌نگ ده‌رچگن مه‌سه‌له‌يگ قه‌بول نه‌كريايه‌و هه‌ر وه‌و خاتريشه‌ رينمايى درياگه‌ ئه‌را دامه‌زرانن ئه‌نجومه‌ن لێكۆڵينه‌وه‌ له‌لايه‌ن وه‌زاره‌ته‌گه‌ وه‌ل لايه‌نه‌يل په‌يوه‌نديدار له‌ زانكۆ له‌وه‌ر ده‌رخستن هووكاره‌يل ئى كاره‌.

YesIraq