2018-12-20 18:21:00

شه‌فه‌ق نيوز/ سه‌ركردايه‌تى هيزه‌يل پۆليس ناوه‌ندى، ئاشكراى گرتن دو كه‌س كرد وه‌ تومه‌ت " ده‌گه‌ێ عه‌شايرى" له‌ ناوچه‌ى ته‌ئميم له‌ باشوور خوه‌رهه‌ڵات به‌غداى پايته‌خت.

 

سه‌ركردايه‌تيه‌گه‌ له‌ به‌ياننامه‌يگ وت: له‌ناوچه‌ى ته‌ئميم له‌ چوارچێوه‌ى كه‌رت سريه‌ێ دويه‌م له‌ فه‌وج دويه‌م له‌ ليواى يه‌ك پۆليس ناوه‌ندى ده‌نگ ته‌قه‌ ژنفياگه‌و يه‌كسه‌ر هيزيگ ره‌سينه‌سه‌ شوونه‌گه‌و دو كه‌س وه‌ تفه‌نگ كڵاشينكۆف وه‌ شيواز ده‌گه‌ێ عه‌شايرێ ته‌قه‌ كردنه‌و ده‌سگير كردنه‌و ره‌وانه‌يان ئه‌را بنگه‌ى پۆليس جسر دياله‌ كردنه‌.

 

جێ باسه‌، ئه‌نجومه‌ن باڵاى دادوه‌رێ له‌ 8 ته‌شرين دويه‌م 2018، رينمايى ئه‌وه‌ دا هه‌ركه‌سيگ مامڵه‌ په‌يڕه‌و كيشه‌يل كۆمه‌ڵايه‌تى " ده‌گه‌ێ عه‌شايرى" بكا، وه‌گووره‌ى ياساى دژه‌ تيرۆر مامڵه‌ وه‌ليا ئه‌كريه‌ێد.

YesIraq