2019-05-11 19:27:45

شه‌فه‌ق نيوز/ به‌ها حه‌بوبى وه‌رپرس ره‌سانن ليژنه‌ى چه‌وديرى مناڵه‌يل له‌ نه‌جه‌ف، ئاشكراى ئازادبوين چالاكوانيگ مه‌ده‌نى عراقى كرد ك له‌لايه‌ن ده‌سڵاته‌يل ئيرانييه‌و ده‌سگير كرياوێد.

 

حه‌بوبى له‌ به‌ياننامه‌يگ وت: عاسفه‌ ياسرى ئه‌ندام ئه‌نجومه‌ن پاريزگاى نه‌جه‌ف ده‌خاڵه‌ت له‌ ئازادكردن عه‌لا عه‌بودى چالاكوان مه‌ده‌نى كردگه‌ دوياى ديدارى وه‌ل حه‌ميد مه‌كارم شيرازى كونسوڵ ئيرانى له‌ پاريزگاگه‌، ئه‌ويش دوياى ده‌سوه‌سه‌ركردن عه‌بدوى له‌لايه‌ن هيزه‌يل ئه‌منى ئيرانييه‌و له‌شار ئيلام وه‌ تومه‌ت وه‌قاچاخبردن چاره‌سه‌ر ئه‌را نه‌خوه‌شه‌يل ته‌لاسيما له‌ عراق.

 

ياسرى هه‌ميش وت: عه‌لا عه‌بودى چالاكوان مه‌ده‌نى وه‌ هاوبه‌شى نويسينگه‌ى عه‌لى سيستانى مه‌رجه‌ع باڵاى ئايينى كومه‌ك دارايى له‌ هاووڵاتيه‌يل دارنده‌ جه‌مه‌و ئه‌كا له‌وه‌ر خاتر سه‌ندن ده‌رمان ئه‌را قورتاركردن گيان مناڵه‌يل تويشهاتگ وه‌ نه‌خوه‌شى ته‌لاسيما وه‌ گووره‌ى كتاو فه‌رمى ك له‌تى ئه‌و ده‌رمانه‌يله‌ له‌لاى پزيشكه‌يل تايبه‌تمه‌ند تاقيه‌و ئه‌كا وه‌رجه‌ دابه‌شكردنى له‌بان نه‌خوه‌شه‌يل و بردنى ئه‌را نه‌خوه‌شخانه‌ى ئه‌لزه‌هرا له‌وه‌ر دابه‌شكردنى له‌بان مناڵه‌يل تويشهاتگ وه‌ نه‌خوه‌شى ته‌لاسيميا.

 

جى باسه‌، قونسوڵ ئيرانى له‌لاى خوه‌يه‌و په‌يوه‌ندى ته‌له‌فۆنى وه‌ پاريزگار ئيلام و شماره‌يگ له‌ كه‌سايه‌تيه‌يل ئيرانى كرد له‌و باوه‌ته‌وه‌و حوكمه‌گه‌ى عه‌بودى له‌ زيندانييه‌و ئاڵشت كرد ئه‌را ئازادكردن وه‌ كه‌فاله‌يگ دارايى وه‌ نزيكه‌ى 40 هه‌زار دۆلار ئه‌مريكى و دوياخريش ئاڵشتكردن ئه‌و كه‌فاله‌ته‌ ئه‌را بڕ 18 هه‌زار دۆلار ئه‌مريكى.

YesIraq