2018-11-19 05:15:00

شه‌فه‌ق نيوز/ بانك ناوه‌ندى و ئداره‌گه‌ى داواى چه‌سپانن دريغى نه‌كردن ئه‌كه‌ن له‌ ئداره‌ى دوسيه‌ى دارايه‌يل عراى له‌ساى ئه‌و هه‌مگه‌ تومه‌ته‌يل وه‌رده‌وامه‌ ك دژێ كرياگه‌ وه‌ل وه‌رپرسيارێتى گومبوين ئه‌و 7 مليار ديناره‌ ك زويتر عه‌لى عه‌لاق پاريزگار له‌وه‌رده‌م ئه‌نجومه‌ن نوێنه‌ره‌يل ئاشكراى كرد.

 

هه‌رچه‌نى بانك ناوه‌ندى باس له‌وه‌ كرد ئى روێداگه‌ له‌ سه‌رده‌م عه‌بدولباست توركى پاريزگار وه‌رين بويه‌ له‌ 2013، وه‌لێ گومانكردن له‌ى مه‌سه‌له‌ هيمان وه‌رده‌وامه‌و چه‌وديره‌يل وه‌ دويرى نازانن قوربانى ئى كاره‌ عه‌لى عه‌لاق بدێ و ده‌ركريه‌ێد له‌ پۆسته‌گه‌ێ.

 

هه‌ر له‌ى باوه‌تيشه‌ه‌و، ده‌سه‌ى ده‌سپاكى هاته‌ بان خه‌ت قه‌يران بانك ناوه‌ندى و سه‌رچه‌وه‌يگ له‌ ده‌سه‌گه‌ وت: ده‌سپاكى له‌ رووژ يه‌كشه‌ممه‌ى ئاينده‌ تيميگ تايبه‌تمه‌ند ره‌وانه‌ى بانك ناوه‌ندێ ئه‌كا ئه‌را په‌يجورى له‌ فه‌وتيان ئه‌و بڕه‌ پويله‌و هه‌واڵه‌ى ئه‌كا ئه‌را دادگاى په‌يجورى ده‌سپاكى له‌بان داواى داوكار گشتى.  

YesIraq