2019-04-20 07:03:00

شه‌فه‌ق نيوز/ ڤيان ده‌خيل ئه‌ندام له‌بان پارت ديموكرات كوردستان, داوا له‌ ئه‌نجومه‌ن نوێنه‌ره‌يل عراقى كرد دوسيه‌ى ئێزيديه‌يل رفياێ ئه‌را شاند به‌شدار سورى له‌ كۆنگره‌ى په‌رله‌مانه‌يل وڵاته‌يل هاوسا بخاده‌ روێ.

 

ده‌خيل له‌ به‌ياننامه‌يگ ئه‌را شه‌فه‌ق نيوز وت: له‌ گاميگ ئاماژه‌ وه‌ هاتنه‌وه‌ى عراق ئه‌كا ئه‌را مه‌شق رۆڵ هه‌رێمى خوه‌ى و به‌غدايش خوه‌ى سازكردن كۆنگره‌ى په‌رله‌مانه‌يل وڵاته‌يل هاوساى عراق دوينێده‌و وه‌ به‌شدارى سه‌رۆك په‌رله‌مانه‌يل هه‌ر يه‌ك له‌ توركياو ئيران و سعوديه‌و كوه‌يت و ئوردن و سوريا.

 

ده‌خيل وت: بيگومان ئيمه‌ پشتگيرى و لايه‌نگرى هه‌ر چالاكييگ دبلۆماسى و په‌رله‌مانى عراق ئه‌كه‌يم وه‌ل وڵاته‌يل هاوساو ئيمه‌يش جوور پيكهاته‌يگ ئێزيدى داوا له‌ محه‌مه‌د حه‌لبوسى سه‌رۆك په‌رله‌مان عراقى ئه‌كه‌يم دوسيه‌ى ئێزيديه‌يل رفياێ له‌ ژن و پياو بخاده‌ روێ له‌وه‌ر ئه‌وه‌گ له‌چوارچێوه‌ى ئه‌جنداى ئى كۆنگره‌ بدێ وه‌تايبه‌ت ئه‌را شاند په‌رله‌مانى سورى، چوينكه‌ وه‌گووره‌ى زانياريه‌يلمان نزيكه‌ى 3 هه‌زار بيسه‌روشوون هه‌ن له‌ مه‌ردمان ئێزيدى و زوورميانيش ژن و مناڵن و شماره‌ى فريه‌يگ له‌ليان هانه‌ سوريا چ له‌ناو كه‌مپه‌يل يا له‌شاره‌يل ئازادكرياێ سورى.

 

جى باسه‌، ده‌خيل داوايش له‌ شاند سورى ئه‌كا هاوكارى جدى و بنيتانه‌ر بكا له‌ى دوسيه‌ ئه‌را ده‌رخستن چاره‌نويس ئه‌و ژن و مناڵه‌يل ئێزيديه‌ ك مه‌ندنه‌و وجوود ديرن له‌ سوريا.

YesIraq