2020-02-22 09:01:19


شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل عراقى، وشدارى دا له‌باره‌ى ويرابوين و ڕزيان شوونه‌وار مێژوويى ئوور وه‌بوونه‌ى پشتگووشخستن وه‌رده‌وام و بارودوخ ناله‌بار و خاسه‌ونه‌كردن وه‌شيوه‌يگ زانستيانه‌ له‌لايه‌ن كه‌سه‌يل تايبه‌تمه‌ند و شاره‌زا له‌ مقه‌يه‌تيكردن شوونه‌وار و داوايش كرد نێرده‌ى تايبه‌ت ره‌وانه‌ بكريه‌ن ئه‌را ته‌ماشاكردنى له‌وه‌ر خاتر خاسسازيكردنى و نواگيرى له‌ ويرانبوينى.

نسه‌يف له‌ به‌ياننامه‌يگ ئه‌را شه‌فه‌ق نيوز وت: ئى شوونه‌وار مێژووييه‌ پشتگووش خرياگه‌و تويش داڕزيان ئه‌يه‌ێد وه‌بوونه‌ى كه‌ش و هه‌واو ژيرچاڵ كه‌ندنى له‌لايه‌ن ئاژه‌ڵه‌يله‌و، ك له‌ساڵ 1961 تائيسه‌ خاسسازى ئه‌راى نه‌كرياگه‌و ئه‌وه‌گ سه‌ردانى بكا تويش شۆك ئه‌ياد وه‌و حاڵه‌ت شه‌كه‌ته‌و بوينێده‌ى.

جى باسه‌، نسه‌يف هه‌ميش وت: ئى شوونه‌وار مێژوويى ناوداره‌ ئه‌گه‌ر له‌ ده‌وڵه‌تيگ تر بوياتاد كرديانه‌ى ناوه‌نديگ گه‌شتيارى و وه‌رده‌وام خاسسازى ئه‌راى كرديان وه‌شيوه‌يگ زانستيانه‌ له‌بان ده‌س شاره‌زايه‌يل و زانيايه‌يل شوونه‌وارناس ك قه‌در و قيمه‌ت له‌ى كه‌نجينه‌ى مێژووييه‌ ئه‌نه‌ن.

}