2019-02-20 07:44:00

شه‌فه‌ق نيوز/ ده‌سه‌ى ده‌سپاكى ئاشكراى شيوازه‌يل ئه‌و حوكم زيندانيه‌ كرد له‌ مه‌سه‌له‌ى سه‌رپيچێ له‌ دو ريككه‌فتن ئه‌را بنياتناين 65 خوه‌ندنگا له‌لايه‌ن دو كۆمپانياى گشتى و جه‌خت له‌ ده‌رچن حوكم زياندانى ده‌رهه‌ق وه‌ وه‌ريه‌وبه‌ر وه‌رين ريككه‌فتنه‌يل له‌ وه‌زاره‌ت په‌روه‌رده‌ كرد بيجگه‌ وجوود كيشه‌يل تر تاوانكارى ك خرياسه‌ وه‌رده‌م داگايه‌يل ده‌رهه‌ق شماره‌يگ  لة تاوانباره‌يل تر.

 

له‌ى باوه‌ته‌، ده‌زگاێ لێكۆلينه‌وه‌يل له‌ ده‌سه‌ى ده‌سپاكى وت: دوسيه‌ى ئه‌و ئه‌و تومه‌تباره‌ ك هه‌يوايه‌ وه‌ل تومه‌تباره‌يل تر هه‌واڵه‌ى دادگا كردگه‌ ك زه‌ره‌د ئه‌نقه‌ز وه‌ دارايى گشتى و به‌رژه‌وه‌ندێ لايه‌نيگ ره‌سانگه‌و ئاگادار وه‌زاره‌ت په‌روه‌رده‌ له‌ كاره‌يلى نه‌كردگه‌و تێبينه‌يل فريه‌يگ له‌بانى بويه‌ و ئه‌وله‌ويات تايبه‌ت وه‌ دو ريككه‌فتن ئه‌را بنياتناين 65 خوه‌ندنگا هه‌واڵه‌ نه‌كردگه‌ ئه‌را نويسينگه‌ى وشكاننكار گشتى وه‌رجه‌ نمايشكردنى ئه‌را ريككه‌فتنه‌يل ناوه‌ندى و يه‌كسه‌ره‌ هه‌واڵه‌يان كرياگه‌ ئه‌را دو كۆمپانيا.

 

ده‌زگاگه‌ باس له‌وه‌يش كرد ك ئيسه‌يش دادگا حوكم غيابى زيندانيكردن ئه‌و تومه‌تباره‌ ده‌ركرده‌ وه‌ل ده‌سوه‌سه‌ركردن ماڵ و موڵكى، ك زويتريش له‌ كۆتايى مانگ گوزه‌يشت هه‌فت ساڵ زيندانى ئه‌راێ ده‌رچيه‌ له‌وه‌ر ئه‌وه‌گ سه‌رپيچێ له‌ ريككه‌فتنيگ تر كردگه‌ ئه‌را بنياتناين شه‌ش خوه‌ندنگاى تر.

YesIraq