2018-11-13 06:14:00

شه‌فه‌ق نيوز/ سه‌رچه‌وه‌يل ئه‌منى باس له‌وه‌ كردن وه‌لاى كه‌مه‌و 9 كه‌س كوشيانه‌ له‌ پاريزگاى ئه‌نبار له‌وه‌ختيگ چه‌كداره‌يليگ په‌لامار ماڵ ئه‌فسه‌ريگ له‌ حه‌شد عه‌شايرى سنى دانه‌.

 

له‌و په‌لاماره‌ نه‌قيب مشعان حزماوى و 8 كه‌س تر كوشيانه‌، ئه‌ويش دوياى ئه‌وه‌گ چه‌كداره‌يل هاتنه‌سه‌ ناو ماڵه‌گه‌ى له‌ حه‌يولگه‌رمه‌ وه‌ دويرى 16 كيلۆمه‌تر له‌ باكوور خوه‌رهه‌ڵات فه‌لوجه‌.

 

جى باسه‌، تائيسه‌ هويچ لايه‌نيگ وه‌رپرسيارێتى خوه‌ێ له‌و په‌لاماره‌ ده‌رنه‌خستگه‌، وه‌لێ سه‌رچه‌وه‌يل ئه‌منى وتن ئى كاره‌ ده‌س ريكخرياگ داعش ها پشتى.

YesIraq