2019-03-10 17:57:00

شه‌فه‌ق نيوز/ چه‌كداريگ سه‌ر وه‌ ريكخرياگ داعش ك ده‌سوه‌سه‌ر كرياگه‌ له‌ سوريا داوا له‌ ده‌سڵاته‌يل ئيتاڵى كرد رێ وه‌پى بدريه‌ێد گله‌و بخوه‌ێد ئه‌را وڵاته‌گه‌ى تا ده‌س وه‌ژيان تازه‌يگ بكاو يه‌يش ده‌رخست ك واز له‌ خه‌لافه‌ت هاوردگه‌ ك له‌لايه‌ن ئه‌و ريكخرياگه‌و ئاشكرا كريا.

 

له‌و باوه‌ته‌و، مونسف ئه‌لموخه‌ير(22ساڵان)ك وه‌ ره‌گه‌ز مه‌غربيه‌و له‌ ئيتاڵيا په‌روه‌رده‌ بويه‌، ئه‌را روێته‌رز له‌ يه‌كه‌مين ديمانه‌يگ له‌وه‌ختيگه‌و خوه‌ى راده‌س وه‌ هيزه‌يل سورياى ديموكرات كردگه‌ باس له‌ زيايبوين ئاژاوه‌ كرد له‌ناونى ئه‌ندامه‌يل ريكخرياگ داعش وه‌ل نزيكه‌وبوين واين ئه‌و ريكخرياگه‌و باسيش له‌ واين شماره‌ێ فريه‌يگ له‌ سه‌ركرده‌يلێ كرد له‌ سوريا و وشدارێ ئه‌وه‌يش دا داعش پلان ئه‌را قوناغ ئاينده‌ دانه‌ێد و سه‌دان كه‌س له‌ پياوه‌يلى ده‌رئه‌كا ئه‌را دامه‌زرانن شانه‌يل خه‌فتگ له‌ڕێ عراق و خوه‌رهه‌ڵات سوريا.

 

جى باسه‌، ئه‌لموخير له‌ ته‌مه‌ن 18 ساڵانه‌و په‌يوه‌ندى وه‌ ريكخرياگ تيرۆريستى داعشه‌و كردگه‌و ئاماژه‌ وه‌يه‌يش كرد ك زوورم وه‌خته‌يلى وه‌ل ميمگى بويه‌ له‌ ميلانۆ ك وه‌ داڵگ خوه‌ى ناوێ برد.

YesIraq