دارایى ئاشکراى دابەشکردن مووچە کرد و مزگانى خاسیگ دا خاوەن سەیارەیل کرایە

Category: هــــه‌واڵ عــیراق

Date: 2020-03-22T21:01:02+0000

شەفەق نیوز/ وەزارەت دارایى عراقى، ئاشکراى ئەوە کرد دەسکریاسە داین مووچەى گشت پاریزگا و دامەزیاگەیل و رینماییش داسە هەردوک بانک حکومى رافدەین و رەشید وەرگرتن  قست قەرزەیل قانجازەیلى لە خاوەن سەیارەیل کرایە ئەرا ماوەى دو مانگ وەرنەگرێد.

 

وەزارەتەگە لە بەیاننامەیگ ئەرا شەفەق نیوز وت: وەگوورەى رینمایەیل فوئاد حسێن جیگر سەرۆک وەزیرەیل و وەزیر دارایى، دەزگایەیل پەیوەندیدار لە وەزارەت دارایى و بانکەیل دەس ئەکەنە وەپیداین مووچەى گشت پاریزگا و دامەزریاگەیل و لە ماوەى رووژەیل ئایندە کارەیلى تەواو ئەکا.

 

بەیاننامەگە داوایش لە پاریزگارەیل و سەرۆک دەزگایەیل کرد چەودیرى پابەندبوین وە رینمایەیل تەندروستى و سەڵامەتى بکەن و ئاگادار بوون لە هەر گردەوبوینیگ و دابەشکردن مووچە نەدێدە هووکار گردەوبوین و کاریگەرى خراو بکادە بان ژیان هاووڵاتیەیل.