2019-08-15 19:45:36

شه‌فه‌ق نيوز/ دادگايگ له‌ واشنتۆن حوكم زيندانيكردن هه‌تاهه‌تايى ده‌ركرد ئه‌را پاسه‌وانيگ وه‌رين له‌ كۆمپانياى ئاسايش تايبه‌ت بلاك وۆته‌ر وه‌ تومه‌ت ئه‌نجامداين تاوان كوشتن هاووڵاتيه‌يل مه‌ده‌نى له‌ به‌غدا له‌ساڵ 2007.

 

دادگاى ناوبرياێ له‌ كانون يه‌كه‌م/ ديسه‌مبه‌ر ساڵ 2007، نيكولاس سلاتن له‌ ئه‌نجامداين ئه‌و تاوانه‌ ئه‌را يه‌كه‌مجار تومه‌تبار كرد ئيسه‌يش حوكم هه‌تاهه‌تايى له‌بانى ده‌ركرد ك يه‌كيگه‌ له‌و چوار پاسه‌وانه‌يله‌ ك ساڵ 2014 وه‌ ته‌واوى ئدانه‌ كريان و حوكم زيندانى ده‌رقه‌ق ئه‌و باقييان دريا هه‌ريه‌ك وه‌ 30 ساڵ زيندانى و ئيسه‌يش جاريگتر دوباره‌ دادگايى ئه‌كريه‌ن.

 

جى باسه‌، پاسه‌وانه‌يل بلاك وۆته‌ر له‌ساڵ 2007 ته‌قه‌ له‌ مه‌ده‌نيه‌يل بيتاوان كردن له‌ مه‌يدان ئه‌لنسور له‌ به‌غداى پايته‌خت له‌وه‌خت ياوه‌ريكردنى كاروانيگ دبلۆماسى ك له‌تى 14 مه‌ده‌نى كوشيا و 18 هاووڵاتييش زه‌خمدار بوين، يه‌يش له‌وه‌ختيگ حكومه‌ت عراقى وت: شماره‌ى كوشياگه‌يل فريه‌ له‌وه‌ زياتر بويه‌.

YesIraq
}