2019-07-25 19:21:02

شه‌فه‌ق نيوز/ ئه‌نجومه‌ن دادگاى باڵا چه‌ن بڕيار و رينمايه‌يليگ دا له‌باره‌ى دوسيه‌يل جياجيايگ.

 

ئه‌نجومه‌نه‌گه‌ له‌ به‌ياننامه‌يگ ئه‌را شه‌فه‌ق نيوز ئه‌وه‌ ده‌رخست ك بڕيار ئاراسته‌ى دادگايه‌يل كردگه‌ وه‌ى شيوه‌يله:-

1- ده‌ستوور كۆمار عراق له‌ ماده‌ى(38)له‌لى ئازادى راده‌رخستن گرته‌سه‌ خوه‌ى وه‌گشت شيوه‌يگ و ئازادى گرده‌وبوين و خوه‌ينيشانداين ئاشتيانه‌، وه‌و خاتريشه‌ حزبه‌يل سياسى ك ريڕه‌و ئۆپۆزسيۆن ئه‌گرنه‌وه‌ر ماف ئه‌وه‌ ديرن هويروڕاى خوه‌يان ده‌ربخه‌ن وه‌ هووكاره‌يل گونجياێ چ له‌ناو ئه‌نجومه‌ن نوێنه‌ريل وله‌ده‌يشت په‌رله‌مان و يه‌يش وه‌ تاوان هساو ناكريه‌ێد.

2- خواست قورسترين رێ وشوونه‌يل ياسايى ده‌رهه‌ق تاوانباره‌يل تاوان وه‌قاچاخبردن له‌ ده‌روازه‌يل مه‌رزێ جێ وه‌جێ بكريه‌ێد و ريگرى له‌ لايه‌نه‌يل ناحكومى بكريه‌ێد ده‌خاڵه‌ت له‌ كار ده‌زگايه‌يل فه‌رمى ده‌وڵه‌ت بكه‌ن له‌ ده‌روازه‌يل حكومى.

3- تونه‌وكردن رێ وشوون وه‌هاوكارى وه‌ل وه‌زاره‌ت ته‌ندروستى و لايه‌نه‌يل ئه‌منى وه‌خاتر له‌وه‌گرتن رێ وشوون جيا له‌ مه‌سه‌له‌ى له‌ناوبردن تاوان مادده‌يل هوشبه‌ر و چه‌سپانن قورسترين سزا له‌بان ئه‌نجامده‌ره‌يل ئى تاوانه‌.

4- جه‌ختكردن له‌بان لايه‌نه‌يل ئه‌منى له‌ پاريزگايه‌يل و شاره‌يل ك مه‌زارگه‌يل پيرووز له‌تيان وجوود ديريد هه‌وڵه‌يل زياتريگ بارنه‌ كار وه‌ هاوكارى وه‌ل داگايه‌يل ئه‌را پرس وپرسكارى وه‌ل ئه‌نجامده‌ره‌يل تاوان ك ده‌سدريژى ئه‌كه‌ن بان شوونه‌يل پيرووز.

5- وه‌شيوه‌يگ ده‌ستوورى داوا له‌ لايه‌نه‌يل تايبه‌تمه‌ند بكريه‌ێد بنوڕێده‌ پرووژه‌ ياسايه‌يل تازه‌ ك له‌لايه‌ن ليژنه‌ى دادوه‌ريه‌و دانريانه‌ ئه‌را مراجعه‌تكردن برياره‌يل كويه‌ن و داناين بڕياره‌يليگ تازه‌ى جيگره‌وه‌ ك ليژنه‌ ره‌وانه‌ى سه‌رۆكايه‌تى كۆمارى كرد له‌وه‌ر كلكردنى ئه‌را ئه‌نجومه‌ن نوێنه‌ره‌يل له‌وه‌ر هه‌ڵه‌په‌ڵه‌كردن له‌ داناينى.

}